Tumia Tovuti Yetu Katika Huduma—“Majibu ya Maswali ya Biblia”

Sehemu ya “Mafundisho ya Biblia,” katika Tovuti ya jw.org/sw, ina kipengele kinachoitwa “Majibu ya Maswali ya Biblia.” Tukiyafahamu vizuri maswali yanayoulizwa mara nyingi yaliyo katika kipengele hicho, tunaweza kuwaelekeza wenye nyumba kwenye Tovuti yetu ili wapate majibu ya Kimaandiko. Pia, tunaweza kutumia maswali hayo kuanzisha mazungumzo katika huduma. Tunaweza kuchagua swali linalowapendeza watu katika eneo letu, na kumuuliza mwenye nyumba maoni yake, kisha kumweleza kile ambacho Biblia inasema kwa kutumia ufafanuzi unaopatikana katika Tovuti ya jw.org/sw. Baadaye, tunaweza kumweleza au kumwonyesha chanzo cha habari yetu. Njia nyingine ni kumwomba asome jibu moja kwa moja kutoka kwenye Tovuti yetu. Mke wa mwangalizi mmoja anayesafiri amepata matokeo mazuri kwa kusema: “Watu wengi hujiuliza, ‘Je, Mungu ndiye wa kulaumiwa kwa sababu ya kuteseka kwetu?’ Je, ungependa kupata jibu la swali hilo ndani ya sekunde 51 tu?” Kisha anacheza rekodi ya sauti yenye jibu la swali hilo ambayo ameipakua na kuihifadhi kwenye simu yake. Anamalizia kwa kumwonyesha sura ya 11 ya kitabu Biblia Inafundisha.