Kazi Njema Ambazo Haziwezi Kusahauliwa

Watumishi wote wa Yehova wanaweza kufanya kazi ambazo Mungu atakumbuka milele. Kama mzazi mwenye upendo ambaye huthamini mambo ambayo watoto wake wanatimiza, Yehova hawezi kusahau kazi yetu na upendo tunaoonyesha kwa ajili ya jina lake. (Mt 6:20; Ebr 6:10) Bila shaka, uwezo na hali zetu hutofautiana. Hata hivyo, tukifanya yote tuwezayo katika utumishi wa Yehova, tunaweza kuwa na shangwe. (Gal 6:4; Kol 3:23) Kwa miaka mingi, maelfu ya ndugu na dada wametumikia Betheli. Je, unaweza kujitolea kwa ajili ya utumishi wa Betheli? Ikiwa huwezi, je, unaweza kumtia moyo mtu mwingine afanye hivyo au umsaidie Mwanabetheli aendelee kutumikia kwa njia hiyo ya pekee?

TAZAMENI VIDEO YENYE KICHWA KUJITOLEA KWA AJILI YA UTUMISHI WA BETHELI, KISHA MJIBU MASWALI YAFUATAYO:

• Ni nini kinachopaswa kutuchochea kutumikia Betheli?

• Wengine wamesema nini kuhusu baraka za kutumikia Betheli?

• Mtu anapaswa kuwa na sifa zipi ili astahili kutumikia Betheli?

• Unaweza kufanya nini ili uombe kutumikia Betheli?