MAISHA YA MKRISTO

**Tumia Furahia Maisha Milele! Katika Huduma Yako**

Tumefurahi sana kupata broshua na kitabu kipya kwa ajili ya kuongoza mafunzo ya Biblia. Tunasali kwamba Yehova atabariki jitihada zetu za kufanya wanafunzi wengi zaidi. (Mt 28:18-20; 1Ko 3:6-9) Tunaweza kutumiaje vifaa hivyo vipya?

Kwa kuwa Furahia Maisha Milele! masomo ya kujifunza Biblia, ni njia mpya ya kufundisha, fuata miongozo hii unapojitayarisha na unapoongoza mafunzo ya Biblia.a

Someni habari, na mzungumzie maswali
Someni maandiko yaliyoandikwa “soma” na umsaidie mwanafunzi kuelewa jinsi maandiko hayo yanavyomhusu
Onyesha video zilizoonyeshwa na kuzizungumzia, ukitumia maswali yoyote yaliyoonyeshwa
Jaribu kumaliza somo moja kila mara mnapojifunza

Katika huduma, kwanza mtolee mwenye nyumba broshua ili kuona ikiwa anapendezwa. (Ona sanduku lenye kichwa “Jinsi ya Kutoa Broshua Furahia Maisha Milele! Katika Ziara ya Kwanza.”) Mnapomaliza kujifunza broshua hiyo pamoja na mwanafunzi angependa kuendelea, mpe kitabu na mwanzie kwenye somo la 04. Ikiwa tayari mnajifunza kitabu Biblia Inatufundisha au kitabu Dumu Katika Upendo wa Mungu, hamisha funzo hilo kwenye kitabu Furahia Maisha Milele! na uamue mahali mtakapoanzia.

Wenzi hao wakitumia kitabu “Furahia Maisha Milele!” kuongoza funzo la Biblia na mwanamume hiyo akiwa nyumbani.

TAZAMENI VIDEO YENYE KICHWA KARIBU KWENYE FUNZO LAKO LA BIBLIA, KISHA MJIBU MASWALI YAFUATAYO:

Wanafunzi watajifunza nini katika kitabu kipya?
Kwa nini unapaswa kuwaonyesha wanafunzi wapya video hii?
Unapaswa kumtia moyo mwanafunzi ajiwekee miradi gani na kuifikia hatua kwa hatua?—Ona chati yenye kichwa “Wazo Kuu na Lengo kwa Ajili ya Kila Sehemu.”

a ZINGATIA: Ingawa sehemu ya “Chunguza Zaidi” si ya lazima kusoma wakati wa funzo, tenga wakati wa kusoma au kutazama kila sehemu unapojitayarisha. Kisha utajua ni nini ambacho kitampendeza na kumsaidia zaidi mwanafunzi wako. Nakala za kielektroni zinatia ndani viunganishi kwa ajili ya video na habari za ziada.

WAZO KUU NA LENGO KWA AJILI YA KILA SEHEMU
	MASOMO	WAZO KUU	MALENGO YA MWANAFUNZI
1	01-12	Chunguza jinsi Biblia inavyoweza kukusaidia na jinsi unavyoweza kumjua Mtungaji wa Biblia	Mtie moyo mwanafunzi asome Biblia, ajitayarishe kwa ajili ya funzo, na aanze kuhudhuria mikutano
2	13-33	Ona mambo ambayo Mungu ametufanyia na ibada inayomfurahisha	Mchochee mwanafunzi awaeleze wengine kuhusu kweli na kustahili kuwa mhubiri
3	34-47	Jifunze mambo ambayo Mungu anataka waabudu wake wafanye	Mchochee mwanafunzi ajiweke wakfu kwa Yehova na abatizwe
4	48-60	Jifunze jinsi unavyoweza kubaki katika upendo wa Mungu	Mfundishe mwanafunzi kutofautisha kati ya mambo yanayofaa na yasiyofaa na umsaidie kufanya maendeleo ya kiroho