Wasaidie Wanafunzi Wako wa Biblia Kuhudhuria Mikutano

Mikutano ya kutaniko ni sehemu muhimu ya ibada safi. (Zb 22:22) Wote wanaokusanyika kwa ajili ya ibada ya Yehova hupata shangwe na baraka. (Zb 65:4) Kwa kawaida wanafunzi wa Biblia hufanya maendeleo upesi zaidi wanapohudhuria mikutano kwa ukawaida.

Unaweza kuwasaidiaje wanafunzi wa Biblia kuhudhuria mikutano? Endelea kuwaalika wahudhurie. Waonyeshe video yenye kichwa Ni Nini Hutendeka Katika Jumba la Ufalme? Waeleze manufaa ya mikutano hiyo. (lff somo la 10) Unaweza kumtajia jambo hususa ambalo ulijifunza katika mkutano au umweleze mambo yatakayozungumziwa katika mkutano wakati ujao. Mpe mwanafunzi wako machapisho yatakayotumiwa. Pia, mpe msaada unaofaa. Huenda anahitaji msaada wa usafiri. Jitihada yoyote utakayofanya itakuwa yenye faida kubwa mwanafunzi wako anapohudhuria mkutano kwa mara ya kwanza.—1Ko 14:24, 25.

TAZAMENI VIDEO YENYE KICHWA WASAIDIE WANAFUNZI WAKO WA BIBLIA KUHUDHURIA MIKUTANO, KISHA MJIBU MASWALI YAFUATAYO:

• 

  Neema alitumia nafasi gani kumwalika Lulu kwenye mkutano wa kutaniko?

• 

  Kwa nini tunapata shangwe mwanafunzi wa Biblia anapohudhuria mikutano?

• 

  Lulu alijionea nini alipohudhuria mikutano kwa mara ya kwanza?