Upainia

Tunatumia nguvu zetu vizuri tunapojitahidi kufikia miradi ya kiroho. (1Ko 9:26) Kwa kuwa mfumo huu unakaribia kuisha, kujiwekea malengo kutatusaidia kutumia wakati uliobaki vizuri. (Efe 5:15, 16) Wakati wa ibada yenu ya familia, mnaweza kuzungumzia miradi mnayoweza kujiwekea katika mwaka unaokuja wa utumishi. Ili kuwasaidia kufanya hivyo daftari hili la mkutano lina makala zinazozungumzia baadhi ya miradi ambayo mnaweza kufikiria na kusali kuihusu.​—Yak 1:5.

Je, familia nzima inaweza kushirikiana ili angalau mmoja wenu awe painia wa kawaida? Ikiwa huna uhakika kwamba unaweza kufikisha takwa la saa, zungumza na baadhi ya mapainia ambao hali zao zinafanana na zako. (Met 15:22) Mnaweza pia, kumhoji painia wakati wa ibada yenu ya familia. Kisha mwandike ratiba mbalimbali. Ikiwa umewahi kufanya upainia awali, fikiria ikiwa hali zinakuruhusu kuwa painia tena.

Je, baadhi ya washiriki wa familia yenu wanaweza kufanya upainia msaidizi kwa mwezi mmoja au zaidi? Ikiwa huna nguvu nyingi, unaweza kuwa painia msaidizi kwa kushiriki katika huduma kwa muda kidogo kila siku. Ikiwa huna muda mwingi wa kuhubiri katikati ya juma kwa sababu unafanya kazi siku nzima, au uko shuleni, huenda unaweza kuchagua mwezi wa likizo au wenye miisho-juma mitano. Andika kwenye kalenda, mwezi unaopanga kufanya upainia msaidizi na uandike ratiba yako.​—Met 21:5.

TAZAMENI VIDEO YENYE KICHWA UWE JASIRI UKIWA . . . PAINIA, KISHA MJIBU MASWALI YAFUATAYO:

• Mambo ambayo Dada Aamand alipitia yanatufundisha nini kuhusu jinsi Yehova anavyowapenda na kuwatunza wale wanaojidhabihu ili kufanya upainia?