Dokezo la Kujifunza

Kutumia Sehemu ya “Ni Nini Kipya” kwa Njia Nzuri

Sehemu ya “Ni Nini Kipya” katika JW Library^® na kwenye tovuti ya jw.org inaonyesha machapisho yaliyotolewa karibuni zaidi. Unawezaje kutumia sehemu hiyo ili uhakikishe una habari za karibuni zaidi?

JW Library

• Makala mpya zinapatikana kwa kusasisha mfululizo mzima ambamo makala hiyo inapatikana. Hivyo, mfululizo wa makala unapowekwa kwenye sehemu ya “Ni Nini Kipya” unaweza kupakua toleo la karibuni zaidi la mfululizo huo. Kisha unaweza kusoma makala hiyo mpya inayopatikana mwanzoni mwa orodha ambayo imepangwa kulingana na tarehe.

• Huenda usifaulu kumaliza kusoma machapisho makubwa zaidi, kama vile magazeti, katika kipindi kimoja. Ili kukumbuka machapisho ambayo hujamaliza kusoma, jaribu kuyaweka kwenye orodha yako ya Vipendwa hadi utakapomaliza kusoma.

JW.ORG

Mambo fulani, kutia ndani habari na matangazo, yanawekwa tu kwenye tovuti ya jw.org, na si kwenye JW Library. Kumbuka kuangalia kwa ukawaida sehemu ya “Ni Nini Kipya” katika tovuti ili upate makala za karibuni.