Utendaji wa Mashahidi wa Yehova Katika Nyakati za Kisasa

Papua New Guinea

Kutangaza habari njema katika eneo hili lenye joto limekuwa jambo gumu sana. Kuna misitu mikubwa, maeneo mengi yenye vinamasi, na milima yenye mawe-mawe. Nchi hii ina makabila zaidi ya elfu moja, na lugha zaidi ya 800. Soma jinsi ambavyo ndugu wenye ujasiri wamekabiliana na matatizo hayo ili kuwatangazia wengine kweli za Biblia. Pia, soma kuhusu ujasiri na azimio la waabudu wenzetu ambao wameacha ushirikina na mapokeo yasiyopatana na kanuni za Biblia ili kuwa watumishi waaminifu wa Yehova. Bila shaka simulizi hili litaimarisha imani yako.

Estonia

Hili ni simulizi lenye kusisimua la ndugu na dada wenye bidii walioendelea na kazi ya Ufalme ingawa walikabili upinzani mkali. Soma upate kujua “gari la vita la Ufalme wa mbinguni” lilikuwa nini, na jinsi ofisa wa polisi alivyovunja mkono wake kwenye ofisi ya tawi. Pia, soma kuhusu jinsi ndugu walivyotengeneza wino na mashini zao wenyewe za kuchapia. Jifunze jinsi watumishi wanyenyekevu wa Yehova walivyovumilia safari ngumu ya majuma mawili kwa gari-moshi na pia hali mbaya ya hewa huko Siberia. Soma uone sababu iliyomfanya dada mmoja aseme hivi: “Hali ilikuwa nzuri nilipotengwa na wengine.” Kwa kweli, hili ni simulizi lenye kusisimua kuhusu ushikamanifu, ujasiri, na ubunifu wa watumishi waaminifu wa Mungu nchini Estonia.