Watchtower MAKTABA KWENYE MTANDAO
Watchtower
MAKTABA KWENYE MTANDAO
Kiswahili
  • BIBLIA
  • MACHAPISHO
  • MIKUTANO
  • mrt makala 60
  • Ukame Unaoongozeka—Biblia Inasema Nini?

Hakuna video yoyote kwa sasa.

Samahani, haikuwezekana kupakia video.

  • Ukame Unaoongozeka—Biblia Inasema Nini?
  • Habari Zaidi
  • Vichwa vidogo
  • Habari Zinazolingana
  • Ukame Katika Unabii wa Biblia
  • Kwa nini ukame unaongezeka?
  • Je, kuna tumaini lolote kwamba hali zitakuwa nzuri?
  • 2022: Mwaka Uliojaa Misukosuko—Biblia Inasema Nini?
    Habari Zaidi
  • Biblia Inasema Nini Kuhusu Mabadiliko ya Hali ya Hewa na Wakati Wetu Ujao?
    Habari Zaidi
  • Viwango vya Juu Zaidi vya Joto Ulimwengu Pote—Biblia Inasema Nini?
    Habari Zaidi
  • Dunia Inaharibiwa—Biblia Inasema Nini?
    Habari Zaidi
Pata Habari Zaidi
Habari Zaidi
mrt makala 60
Mmea mdogo kwenye ardhi iliyokauka na kupasuka-pasuka kwa sababu ya ukame.

Brais Seara/Moment via Getty Images

ENDELEA KUKESHA!

Ukame Unaoongozeka​—Biblia Inasema Nini?

  • “China imeripoti kwamba nchini humo mwaka huu kulikuwa na majira ya kiangazi yenye ‘kiwango cha juu zaidi’ cha joto na yenye ukame sana. Hii ni mara ya tatu katika rekodi yao kuwa na majira yenye ukame kwa kiwango hicho.”​—The Guardian, Septemba 7, 2022.

  • ‘Inakadiriwa kwamba ukame ulio katika upande wa Mashariki wa bara la Afrika utaendelea kwa mwaka wa tano mfululizo.’​—UN News, Agosti 26, 2022.

  • “Zaidi ya nusu ya bara la Ulaya inakabili ukame, na inaelekea huo ndio ukame mbaya zaidi kupata maeneo hayo katika kipindi cha miaka 500.”​—BBC News, Agosti 23, 2022.

Wataalamu wengi wanatabiri kwamba ukame kama huo utaendelea kuwepo au utakuwa mbaya hata zaidi. Je, kuna tumaini lolote kwamba hali zitakuwa nzuri? Biblia inasema nini?

Ukame Katika Unabii wa Biblia

Biblia ilitabiri hivi kuhusu siku zetu:

  • “Kutakuwa na . . . upungufu wa chakula katika sehemu mbalimbali.”​—Luka 21:11.

Mara nyingi ukame husababisha upungufu wa chakula. Upungufu wa chakula pamoja na mateso na vifo vinavyotokana na tatizo hilo hutimiza unabii wa Biblia.​—Ufunuo 6:6, 8.

Kwa nini ukame unaongezeka?

Biblia inafunua sababu ya msingi inayofanya ukame uongezeke. Inasema:

  • “Mwanadamu anayetembea hana uwezo wa kuongoza hatua yake.”​—Yeremia 10:23.

Hilo linamaanisha kwamba wanadamu hawawezi “kuongoza hatua [yao],” au kujitawala kwa mafanikio. Mara nyingi maamuzi mabaya wanayofanya husababisha ukame na upungufu wa maji.

  • Wanasayansi wengi hukubali kwamba shughuli za wanadamu husababisha kuongezeka kwa hali ya joto duniani, na hilo husababisha ukame kuongezeka katika sehemu mbalimbali ulimwenguni.

  • Pupa na sera zenye manufaa ya muda mfupi zimesababisha ukataji wa miti, uchafuzi wa mazingira, matumizi mabaya ya rasilimali, na mambo hayo huharibu vyanzo vya maji.

Hata hivyo, Biblia inatupatia tumaini.

Je, kuna tumaini lolote kwamba hali zitakuwa nzuri?

Biblia inasema kwamba Mungu ataondoa tatizo la upungufu wa maji. Jinsi gani?

  1. 1. Mungu “[atawaharibu] wale wanaoiharibu dunia.” (Ufunuo 11:18) Ataondoa chanzo kimoja cha upungufu wa maji, yaani, atawaangamiza watu waovu na wenye pupa ambao hufanya mambo yanayoharibu mazingira.​—2 Timotheo 3:1, 2.

  2. 2. “Ardhi iliyokaushwa na joto itakuwa kama dimbwi lenye matete.” (Isaya 35:1, 6, 7) Mungu ataondoa kabisa madhara yaliyosababishwa na ukame na atafanya dunia kuwa paradiso na itakuwa na maji ya kutosha.

  3. 3. “Unaitunza dunia, unaifanya izae kwa wingi na kuitajirisha sana.” (Zaburi 65:9) Kwa baraka za Mungu, dunia itakuwa na chakula kingi kizuri na maji safi kwa ajili ya wote.

Ili ujifunze mengi zaidi kuhusu jinsi mabadiliko ya hali ya hewa yaliyopo yanavyotimiza unabii wa Biblia, soma makala yenye kichwa “Biblia Inasema Nini Kuhusu Mabadiliko ya Hali ya Hewa na Wakati Wetu Ujao?”

Ili kupata habari zaidi kuhusu tumaini la wakati ujao linaloahidiwa katika Biblia, soma makala yenye kichwa “Ni Nani Atakayeiokoa Dunia?”

Ili kujua jinsi Biblia inavyoweza kukusaidia kukabiliana na changamoto zinazotokana na mabadiliko makubwa ya hali ya hewa, soma makala yenye kichwa “Je, Biblia Inaweza Kukusaidia Kukabiliana na Mabadiliko Makubwa ya Hali ya Hewa?”

    Maktaba Kwenye Mtandao (1980-2025)
    Toka
    Ingia
    • Kiswahili
    • Shiriki
    • Mapendezi
    • Copyright © 2025 Watch Tower Bible and Tract Society of Pennsylvania
    • Masharti ya Utumiaji
    • Sera ya Faragha
    • Mpangilio wa Faragha
    • JW.ORG
    • Ingia
    Shiriki