Watu Wanaacha Kuwaamini Wanasiasa—⁠Biblia Inasema Nini?

Katika mwaka wa 2024 kutakuwa na uchaguzi mwingi zaidi wa kisiasa duniani kote kuliko mwaka mwingine wowote. Hata hivyo, watu wengi wameacha kuwaamini wanasiasa.

•  Katika uchunguzi uliofanywa nchini Marekani, watu wengi zaidi walisema kwamba “wanasiasa wengi wanaongozwa na sababu zenye ubinafsi” badala ya kuongozwa na tamaa ya kuwatumikia watu.a—Kituo cha Utafiti cha Pew, Septemba 19, 2023.

Vijana wengi pia hawawaamini wanasiasa.

•  “Leo matineja wengi wanapendezwa zaidi kupata suluhisho la matatizo muhimu, lakini uchunguzi unaonyesha kwamba wanasiasa hawatafuti suluhisho hilo.”​—The New York Times, Januari 29, 2024.

•  “Uchunguzi mmoja ulionyesha kwamba vijana wanawaamini zaidi watu kwenye YouTube kuliko wanavyowaamini wanasiasa.”​—The Korea Times, Januari 22, 2024.

Je, tunaweza kuamini kwamba wanasiasa watafanya mambo yawe mazuri wakati ujao? Ni nani anayeweza kuaminika?

Uwe mwangalifu unamwamini nani

Inafaa kwamba watu wanachukua tahadhari kuhusu mtu wanayepaswa kumwamini. Biblia inasema kwamba “mjinga huamini kila neno, lakini mwerevu hutafakari kila hatua.”​—Methali 14:15.

•  Ili kupata madokezo muhimu ya jinsi ya kuchanganua habari unayopokea, soma makala yenye kichwa “Jilinde Dhidi ya Habari za Uwongo.”

Isitoshe hata wanasiasa wanyoofu zaidi na wenye nia nzuri zaidi hawawezi kutimiza kila kitu ambacho wangependa kufanya. Hiyo ndiyo sababu Biblia inatuonya hivi:

•  “Msiwategemee wakuu wa dunia; hao ni binadamu tu, hawawezi kuokoa.”​—Zaburi 146:3, Biblia Habari Njema.

Kiongozi unayeweza kumwamini

Biblia inaonyesha kwamba Mungu amemweka rasmi kiongozi mwenye uwezo na anayetumainika: Yesu Kristo. (Luka 1:32, 33) Yesu ndiye Mfalme wa Ufalme wa Mungu, serikali inayotawala kutoka mbinguni.​—Mathayo 6:10.

•  Jifunze kwa nini unaweza kumwamini Yesu na kile ambacho atafanya ili kutatua matatizo tunayokabili. Soma makala zenye kichwa “Mfalme wa Ufalme wa Mungu Ni Nani?” na “Ufalme wa Mungu Utatimiza Nini?”