Unaweza Kumtumaini Nani?—Biblia Inasema Nini?

Watu hukata tamaa wakati wale wanaopaswa kuaminika wanapoonyesha hawatumainiki. Watu wengi wameacha kuwatumaini . . .

• viongozi wa kisiasa wanaotanguliza masilahi yao wenyewe badala ya kushughulikia mahitaji ya watu.

• vyombo vya habari ambavyo havitoi ripoti sahihi na bila upendeleo.

• wanasayansi ambao hawatendi mambo yanayowafaidi wengine.

• viongozi wa dini ambao wanajihusisha sana katika siasa badala ya kumwakilisha Mungu.

Inafaa kwamba watu wanajihadhari wanamtumaini nani. Biblia inaonya hivi:

• “Msiwategemee wakuu wa dunia; hao ni binadamu tu, hawawezi kuokoa.”​—Zaburi 146:3, Biblia Habari Njema.

Unayeweza kumwamini

 Biblia inatuambia tunaweza kumtumaini nani: Yesu Kristo. Yeye si mwanamume mzuri tu ambaye aliishi karne nyingi zilizopita. Mungu alimweka rasmi Yesu ‘atawale akiwa Mfalme na Ufalme wake hautakuwa na mwisho.’ (Luka 1:32, 33) Yesu ni Mfalme wa Ufalme wa Mungu, serikali ambayo sasa inatawala mbinguni.​—Mathayo 6:10.

• Ili ujifunze kwa nini unaweza kumtumaini Yesu, soma makala yenye kichwa “Mfalme wa Ufalme wa Mungu Ni Nani?” na “Ufalme wa Mungu Utatimiza Nini?”