Je, Mashahidi wa Yehova Wanamwamini Yesu?

Ndiyo. Tunamwamini Yesu, ambaye alisema hivi: “Mimi ndiye njia na kweli na uzima. Hakuna anayekuja kwa Baba ila kupitia kwangu.” (Yohana 14:6) Tunaamini kwamba Yesu alikuja duniani kutoka mbinguni na akatoa uhai wake mkamilifu wa kibinadamu kuwa dhabihu ya fidia. (Mathayo 20:28) Kifo na ufufuo wake unafanya iwezekane kwa wale wanaomwamini wawe na uzima wa milele. (Yohana 3:16) Pia tunaamini kwamba sasa Yesu anatawala mbinguni akiwa Mfalme wa Ufalme wa Mungu ambao hivi karibuni utaleta amani duniani pote. (Ufunuo 11:15) Hata hivyo, tunamwamini Yesu kabisa aliposema: “Baba ni mkuu kuliko mimi.” (Yohana 14:28) Kwa hiyo, hatumwabudu Yesu, kwa sababu hatuamini yeye ni Mungu Mweza Yote.