-
Kukua Katika Ujuzi Sahihi Juu ya KweliMashahidi wa Yehova—Wapiga-Mbiu wa Ufalme wa Mungu
-
-
Basi, imani katika kutokufa kulikorithiwa kwa nafsi ya kibinadamu ilisitawije? Ni nani aliyekuwa mwanzilishi wayo? Baada ya kuchunguza kwa uangalifu Biblia na pia historia ya kidini, Ndugu Russell aliandika katika Watch Tower la Aprili 15, 1894 hivi: “Kwa wazi haikutoka katika Biblia . . . Biblia hujulisha waziwazi kwamba mtu ni mwenye kufa, kwamba yeye aweza kufa. . . . Tukichunguza historia, twapata kwamba, ingawa fundisho la kutokufa kwa kibinadamu halifundishwi na mashahidi wa Mungu waliopuliziwa, ndilo msingi hasa wa dini zote za kipagani. . . . Kwa hiyo, si kweli kwamba Socrates na Plato walikuwa ndio wa kwanza kulifunza: lilikuwa na mwenye kulifunza mapema zaidi ya yeyote wao, na hata hivyo mwenye uwezo zaidi. . . . Maandishi ya kwanza ya fundisho hilo bandia yapatikana katika historia ya kale zaidi ijulikanayo kwa mwanadamu—Biblia. Mfunzi huyo bandia alikuwa Shetani.”g
-
-
Kukua Katika Ujuzi Sahihi Juu ya KweliMashahidi wa Yehova—Wapiga-Mbiu wa Ufalme wa Mungu
-
-
g Katika mazungumzo yenye habari nyingi zaidi juu ya jambo hili, katika 1955, kijitabu What Do the Scriptures Say About “Survival After Death”? kilionyesha kwamba maandishi ya Biblia huonyesha kwamba kwa kweli Shetani alimtia Hawa moyo aamini kwamba yeye hangekufa katika mwili kama matokeo ya kupuuza katazo la Mungu juu ya kula tunda kutoka kwa “mti wa ujuzi wa mema na mabaya.” (Mwa. 2:16, 17; 3:4) Baada ya wakati, kwa wazi hilo lilithibitika kuwa si kweli, lakini kulikuwa na matukio zaidi yaliyokuwa na shina katika uwongo huo wa kwanza. Watu walikubali maoni ya kwamba sehemu isiyoonekana ya mtu huendelea kuishi. Kufuatia Furiko la siku ya Nuhu, hilo liliimarishwa na mazoea ya kimashetani ya roho waovu yaliyokuwa yakitoka Babiloni.—Isa. 47:1, 12; Kum. 18:10, 11.
-