Isitoshe, wakiwa kikundi, wao ni “ukuhani mtakatifu,” waliopewa wajibu wa “kutoa dhabihu za kiroho zenye kukubalika kwa Mungu kupitia Yesu Kristo” na ‘kutangaza kotekote sifa bora kabisa za yeye aliyewaita kutoka katika giza kuingia katika nuru yake ya ajabu.’ (1 Petro 2:5, 9) Kama Paulo, wanafurahia mapendeleo hayo hata ‘wanapojimwaga’ katika kutimiza wajibu wao mbalimbali. Na wenzao “kondoo wengine” hujiunga nao na huwaunga mkono katika kazi ya kuwajulisha wanadamu kuhusu Yehova na makusudi yake.b (Yohana 10:16; Mathayo 24:14) Ni utumishi wa watu wote mtukufu na wenye kufurahisha kama nini!—Zaburi 107:21, 22.