-
Baba Mwenye Wana WaasiUnabii wa Isaya I—Nuru kwa Wanadamu Wote
-
-
b Maneno ya Isaya yadhihirisha mazoea ya kitiba ya siku yake. Mtafiti wa Biblia E. H. Plumptre ataarifu hivi: “Utaratibu uliojaribiwa kwanza ni ‘kufunga’ au ‘kuminya’ kidonda ili kuondoa usaha; kisha, kama katika kisa cha Hezekia (sura ya 38:21), ‘kilizongwa-zongwa,’ na dawa ya kupaka, kisha mafuta fulani au marhamu yenye kutuliza, labda kama katika Luka 10:34, mafuta na divai vilitumiwa kusafisha kidonda hicho.”
-
-
Baba Mwenye Wana WaasiUnabii wa Isaya I—Nuru kwa Wanadamu Wote
-
-
13, 14. (a) Yuda imepata majeraha gani? (b) Je, mateso ya Yuda huifanya iache mwenendo wake wa uasi?
13 Isaya aendelea kufafanua hali yenye kusikitisha ya Yuda: “Bali jeraha na machubuko na vidonda vitokavyo usaha; havikufungwa, havikuzongwa-zongwa, wala havikulainishwa kwa mafuta.” (Isaya 1:6b) Hapa nabii huyo arejezea aina tatu ya majeraha: majeraha (kukatwa, kama vile kwa upanga au kisu), machubuko (uvimbe unaosababishwa na pigo), na vidonda (vidonda vya hivi karibuni, vilivyo wazi na vinavyoonekana kuwa haviwezi kupona). Wazo linalotolewa ni la mtu ambaye ameadhibiwa vikali kwa njia zote ziwezekanazo, na mwili wake wote umepata madhara. Hakika Yuda iko katika hali ya kukata tamaa.
14 Je, hali yenye taabu ya Yuda huifanya imrudie Yehova? La! Yuda ni kama mwasi anayetajwa katika Mithali 29:1: “Aonywaye mara nyingi akishupaza shingo, atavunjika ghafula, wala hapati dawa.” Yaonekana taifa hilo haliwezi kupona. Kama asemavyo Isaya, majeraha yake ‘hayakufungwa, hayakuzongwa-zongwa wala kulainishwa kwa mafuta.’b Kwa njia fulani, Yuda yafanana na kidonda kilicho wazi, kisichofungwa bendeji, na kilichoenea kotekote.
-