SWALI LA 6
Biblia ilitabiri nini kumhusu Masihi?
UNABII
“Wewe, Ee Bethlehemu Efratha, . . . kutoka kwako atatoka kwa ajili yangu yule atakayekuwa mtawala katika Israeli.”
UTIMIZO
“Baada ya Yesu kuzaliwa huko Bethlehemu ya Yudea katika siku za Mfalme Herode, tazama! wanajimu kutoka Mashariki walikuja Yerusalemu.”
UNABII
“Wanagawana mavazi yangu, nao wanalipigia kura vazi langu.”
UTIMIZO
“Baada ya wanajeshi kumtundika Yesu kwenye mti, wakachukua mavazi yake ya nje na kuyagawanya vipande vinne . . . Lakini vazi la ndani halikuwa na mshono, lilikuwa limefumwa kutoka juu mpaka chini. Basi wakaambiana: ‘Tusilirarue, badala yake tupige kura ili tuamue litakuwa la nani.’”
UNABII
“Anailinda mifupa yake yote; Haujavunjwa hata mmoja.”
UTIMIZO
“Walipomfikia Yesu, waliona kwamba tayari amekufa, kwa hiyo hawakuivunja miguu yake.”
UNABII
“Alichomwa kwa sababu ya makosa yetu.”
UTIMIZO
“Mwanajeshi mmoja akauchoma ubavu wa Yesu kwa mkuki, na mara moja damu na maji vikatoka.”
UNABII
“Wakanilipa mshahara wangu, vipande 30 vya fedha.”
UTIMIZO
“Ndipo mmoja wa wale 12, aliyeitwa Yuda Iskariote, akaenda kwa wakuu wa makuhani na kuwauliza: “Mtanipa nini ili nimsaliti kwenu?” Wakakubaliana naye vipande 30 vya fedha.”