6. Yesu Kristo alionyeshaje kwamba ile kazi ya kuhubiri ilikuwa ndiyo ya maana zaidi kwake?

⁶ Kuwa na maarifa sahihi ya Yesu kunataka kuwa na “akili ya Kristo” na kumwiga. (1 Wakorintho 2:16, NW) Yesu alikuwa mtangazaji wa ukweli mwenye shauku. (Yohana 18:37) Roho yake yenye bidii nyingi ya kueneza evanjeli haikuzuiwa na chuki za kijamii zisizo na msingi. Ingawa Wayahudi wengine walichukia Wasamaria, yeye alimtolea ushuhuda mwanamke Msamaria kando ya kisima. Kwani, hata kuzungumza kwa muda mrefu na mwanamke ye yote hadharani huenda kulikunjiwa uso!a Lakini Yesu hakuruhusu hisia za kijamii zimzuie kutoa ushuhuda. Kazi ya Mungu ilikuwa yenye kuburudisha. Yeye alisema: “Chakula changu ndicho hiki, niyatende mapenzi yake aliyenipeleka, nikaimalize kazi yake.” Furaha ya kuona itikio la watu, kama yule mwanamke Msamaria na watu wengi wa mji wake, kulimtegemeza Yesu kama chakula. —Yohana 4:4-42; 8:48.