Biblia Inasema Nini Kuhusu Ndoa za Watu wa Jinsia Moja?

Jibu la Biblia

Muumba wetu aliweka sheria kuhusu ndoa muda mrefu kabla serikali za kisasa hazijabuni sheria za ndoa. Kitabu cha kwanza cha Biblia kinasema: “Mwanamume atamwacha baba yake na mama yake naye atashikamana na mke wake nao watakuwa mwili mmoja.” (Mwanzo 2:24) Kulingana na kitabu Vine’s Expository Dictionary of Biblical Words, neno la Kiebrania “mke,” linamaanisha “mwanadamu ambaye ni wa jinsia ya kike.” Yesu alikazia kwamba wale wanaofungwa nira pamoja katika ndoa wanapaswa kuwa “mwanamume na mwanamke.”—Mathayo 19:4.

Hivyo, Mungu alikusudia ndoa iwe kifungo cha kudumu, uhusiano wa karibu zaidi kati ya mwanamume na mwanamke. Wanaume na wanawake wameumbwa ili wakamilishane ili watoshelezane kihisia na kingono na pia ili waweze kutunza watoto.