Utoaji Mbalimbali Unaopata Itikio
1 Utoaji mbalimbali unaopata itikio ni ule unaoonyesha wazi jinsi habari inavyomhusu mwenye nyumba, kwamba ni jambo analohitaji au analoweza kutumia. Katika mazungumzo yako yote, msaidie mwenye nyumba ajue, “Hili linanihusu mimi.” Katika kutayarisha utoaji, tunapaswa kujiuliza: ‘Ni habari zipi zinazowahangaisha sana watu katika eneo langu? Mahitaji yao ni nini? Ninawezaje kutoa ujumbe kuonyesha kwamba Yehova anajua mahitaji yao?’ Iliyo chini ni orodha ya mambo machache yanayopendeza sana watu leo. Je! waweza kutumia mojawapo au jambo linalofanana na hayo katika utoaji wako? Angalia pia jinsi mambo kutoka kitabu Upeo wa Ufunuo yanavyoweza kuhusishwa ndani.
2 Hangaiko Kuhusu Ukosefu wa Furaha: “Tunazungumza na watu ambao wanahangaishwa kikweli na ubora wa maisha katika jumuiya yetu. Kwa ujumla, watu wana matatizo mengi na hawana furaha kikweli na yale wametimiza maishani. Je! unafikiri inawezekana kuwa na maisha ya furaha kweli kweli? [Ruhusu jibu.] Ufunguo mmoja wa furaha unapatikana katika Biblia kwenye Ufunuo 1:3. [Soma.] Kuelewa yale Ufunuo husema kuhusu wakati ujao kwaweza kukuletea furaha. Angalia moja tu ya unabii wacho.” Soma Ufunuo 21:3, 4 halafu elekeza kwenye kielezi katika ukurasa 302 wa kitabu Upeo wa Ufunuo.
3 Hangaiko Kuhusu Wakati Ujao: “Tunajitahidi kushiriki na majirani wetu maoni mazuri ya wakati ujao. Je! hivyo ndivyo unavyojaribu kuyaona maisha? [Ruhusu jibu.] Kulingana na Biblia, tuna sababu ya kuwa na matazamio mazuri tukifanya yale isemayo katika Ufunuo 1:3.”
4 Hangaiko Kuhusu Kudumisha Afya Njema: “Wengi katika ujirani wetu wanajua umaana wa kudumisha afya njema. Hata hivyo, tujapochukua hatua za kujilinda, bado sisi huwa wagonjwa. Je! ungependa kuishi katika ulimwengu ambamo kila mtu angefurahia afya na uzima kamili? Hata hilo lionekane kuwa jambo gumu jinsi gani kuweza kuaminika, kitabu cha Biblia cha Ufunuo husema juu ya wakati huo na kutuambia kwamba unakuja katika wakati ujao ulio karibu.” Soma Ufunuo 21:3, 4. Ndipo unaweza kuonyesha picha katika kurasa 308-9 za kitabu Upeo wa Ufunuo, kuonyesha jinsi watu watakavyoshiriki maandalizi ya uhai wakati wa Utawala wa Miaka Elfu wa Kristo.
5 Hangaiko Kuhusu Uchafuzi na Mazingira: “Katika kuzungumza na majirani wetu, tumepata kwamba wengi wanahangaishwa na jinsi hewa, maji, na chakula chetu kinavyochafuliwa au jinsi uhalifu unavyoongezeka. Je! wafikiri kwamba wanadamu wataweza kamwe kukomesha yote hayo? [Ruhusu maelezo.] Ni jambo lenye kutia moyo kuona yale Biblia husema kwamba litatukia kwa wale wanaoiharibu dunia.” Soma Ufunuo 11:18b. Taja kwamba zaidi ya kuwaondoa wale wanaoiharibu dunia, ni kusudi la Mungu wapole waifanye dunia iwe paradiso, kama inavyoonyeshwa katika Zaburi 37:10, 11 au Isaya 65:21, 22.
6 Kwa Wale Wenye Mwelekeo wa Dini: “Tunawauliza majirani wetu swali: Je! wafikiri kitabu cha Ufunuo kilikusudiwa kieleweke, au kilipaswa kiendelee kuwa fumbo? [Ruhusu maelezo.] Wengi wana maoni kama yako. Ona yale Biblia yenyewe husema katika Ufunuo 1:3.”
7 Unapojitahidi kikweli kufikia mioyo ya wasikilizaji wako, wale wanaoona njaa kwa ajili ya kweli na uadilifu wataitikia.—Mt. 5:3, 6.