Weka Kando Wakati kwa Ajili ya Utendaji wa Magazeti
1 Yehova amedhihirisha kwamba kutakuwako na ‘amani, wakati ujao, na tumaini’ kwa wale wanaofuata njia Zake. (Yer. 29:11) Habari juu ya tazamio hilo inatolewa katika njia ifaayo katika Mnara wa Mlinzi na Amkeni! Magazeti haya yaweza kuwafaidi watu wa aina zote walio katika kila hali. (1 Tim. 2:4) Je! wewe na familia yako huweka kando wakati kwa ukawaida kwa ajili ya kugawanya magazeti?
2 Ikiwa maangusho yako ya magazeti yamekuwa yakipungua, mwendo huo waweza kurekebishwaje? Jambo moja la maana ni kuthamini yaliyomo magazetini mwetu. Mtu mmoja aliandika hivi: “Kuyasoma magazeti yenu ni jambo lenye shangwe ya kweli. Hayo si ‘wafariji’ duni na wa hali ya chini, lakini yana mwongozo na mwelekezo wa namna ya kufanya maisha yawe na maana.” Mnara wa Mlinzi na Amkeni! ni matokeo ya utafiti mwangalifu na ni maandalizi ya “mtumwa mwaminifu mwenye akili.” (Mt. 24:45) Ni zana zenye matokeo kwa kufikia mioyo ya watu.
3 Fahamu makala zilizomo katika magazeti hayo unayoyatoa. Tafuta mambo ambayo yanashughulikia matatizo ya karibuni katika jumuiya yako. Ni vizuri kujitayarisha kuongea na wanaume, wanawake, na vijana unaokuta milangoni au barabarani. Jitayarishe kuonyesha jinsi magazeti yanavyowahusu mtu mmoja-mmoja na familia kwa ujumla.
4 Uwe Mwenye Kupendezwa Kutoa Magazeti: Ushahidi wa magazeti wapaswa kuwa sehemu ya maana ya ratiba yako ya huduma ya shambani. Ni nyakati zipi zifaazo kwako kutoa magazeti? Je! umepata kuhubiri mlango kwa mlango kwa saa moja hivi wakati wa alasiri au jioni kabla ya Funzo la Kitabu la Kutaniko lenu? Ushahidi wa jioni umekuwa na matokeo sana katika maeneo mengine. Jumamosi ni siku nzuri kwa ajili ya kugawanya magazeti katika njia tofauti-tofauti, lakini siku nyinginezo zaweza kutumiwa kwa utendaji huo. Kazi ya nyumba kwa nyumba na duka kwa duka yapaswa kuwa sehemu ya kawaida ya utendaji wa Siku ya Magazeti.
5 Kila mmoja apaswa kuwa na agizo la kawaida la hesabu ya nakala za kugawanya za kila toleo la magazeti haya. Dumisha mwelekeo unaofaa na uweke kando fedha unazohitaji ili kujipatia nakala zako za kutumia shambani. Ikiwezekana changanua mahitaji yako na kurekebisha agizo lako ifaavyo. Ikiwa pana pindi ambapo una matoleo ya zamani, hayo yaweza kuachwa kwa wasiokuwamo nyumbani. Lakini jambo hilo lapaswa kufanywa kwa utambuzi, si kwa kuruhusu magazeti yaonekane na mpita-njia na hivyo kuonyesha kwamba hakuna mtu nyumbani. Nakala za zamani zaweza kuachwa katika makao ya waliostaafu, makao ya kutunzia wagonjwa, na hospitali iwapo kuna ruhusa. Magazeti hayo yote yaweza kuhesabiwa kuwa yameangushwa na yapaswa kuripotiwa kila mwezi katika kikaratasi chako cha Ripoti ya Utumishi wa Shambani.
6 Kwa kutumia madokezo yaliyo juu, bila shaka utaona ongezeko katika hesabu ya magazeti unayoweza kugawanya. Watu wenye mioyo yenye haki ambao wamelemewa na maisha katika mfumo huu mbovu wathamini habari yenye kuburudisha kama ipatikanayo katika Mnara wa Mlinzi na Amkeni! Magazeti haya huandaa kikweli chakula cha kiroho kinachohitajiwa na wale wanaotafuta kupata kibali cha Yehova. Kwa hiyo, uwe mwenye kupendezwa kutoa magazeti, na utafute njia za kuongeza ugawanyaji wa vichapo hivi vyenye thamani katika eneo lenu.