Neno la Mungu Lina Nguvu
1 Biblia imeathiri sana maisha ya mamilioni. Inayosema ni yenye kuhamasisha zaidi kuliko chochote ambacho mwanadamu aweza kutokeza. (Ebr. 4:12) Angalia yale imetufanyia. Kwa kweli, ustahili wayo hauna kifani.
2 Mashahidi wa Yehova ndio wanafunzi na wateteaji wakuu wa Biblia. Tunapaswa kuona usomaji wa Biblia kuwa sehemu muhimu ya ratiba yetu ya kawaida ya kitheokrasi, tukiupa nafasi ya kwanza zaidi ya kutazama televisheni na ufuatiaji mwingine wa kitafrija.
3 Lifanye Liwe Zoea la Kawaida: Watu wa Yehova wamekuja kuthamini athari yenye nguvu ambayo usomaji wa Biblia kwa ukawaida hutoa. Kwa miaka mingi ishara kubwa ya majengo yetu ya kiwanda katika Brooklyn imekuwa ikisihi mpita-njia “[Ku]soma Neno la Mungu Biblia Takatifu Kila Siku.” Washiriki wapya wa familia ya Betheli wanatakiwa kusoma Biblia nzima wakati wa mwaka wao wa kwanza wa utumishi wa Betheli.
4 Ijapokuwa ratiba yako yenye shughuli nyingi, je, wewe unaendelea na usomaji wa Biblia uliodokezwa wa kila juma ulioorodheshwa kwenye Ratiba ya Shule ya Huduma ya Kitheokrasi? Ikiwa umepata magumu katika kufanya hivi, kwa nini usirekebishe jambo hili wakati wa Novemba? Usomaji wa Biblia wa mwezi mzima ni Zaburi 95-109, ambao wahitaji kusoma karibu kurasa tatu au nne kwa juma moja. Wengine huchagua kusoma sehemu ndogo kila siku, labda asubuhi na mapema au usiku kabla ya kwenda kulala. Iwe unafanya vyovyote vile, jambo la maana ni kwamba unavuna manufaa nyingi zinazopatikana kwa kusoma Neno la Mungu kwa ukawaida.
5 Toa Biblia Wakati wa Novemba: Watu wengi bado wana heshima kwa Biblia nao wana nia ya kusikiliza tunapowasomea. Wakati wa Novemba tutakuwa tukitoa New World Translation na kitabu Biblia—Neno la Mungu au la Binadamu? Hii yatoa fursa yenye kutokeza zaidi ya kuonyesha watu wenye mioyo minyofu thamani ya Neno la Mungu. Uwe mwenye idili katika kufanya hivyo.
6 Tayarisha maelezo yenye kufaa juu ya sehemu zenye kutokeza za New World Translation ambayo yatavutia kupendezwa kwa watu ili waichukue. Kazia thamani yayo yenye kutumika. Unaweza kuonyesha mojapo ya vichwa kwenye sehemu “Bible Topics for Discussion” na uunganishe pamoja na kitabu Biblia—Neno la Mungu au la Binadamu? Au unaweza kuonyesha thamani ya fahirisi yenye kurasa 92 ya maneno ya Biblia kwa kuonyesha jinsi inavyomwezesha msomaji apate maandiko yanayofahamiwa. Wahubiri fulani huenda wakataka kuonyesha ama “Appendix” ama “Table of the Books of the Bible” kwa kuonyesha thamani yayo katika funzo la Biblia.
7 Hakikisha umeonyesha kwamba New World Translation ya Kiingereza cha kisasa, ambacho huifanya iwe rahisi kuelewa. Baadhi ya malinganisho yenye kupendeza ya Union Version ni 1 Wakorintho 10:25 na 16:22. New World Translation hutumia jina la kimungu, Yehova, mara 7,210.
8 Naam, Biblia ni Neno la Mungu. Tukilisoma, tuliamini, na kutumia mashauri yalo katika maisha zetu tutavuna manufaa kubwa zaidi. Liliandikwa litupe maagizo na tumaini. (Rum. 15:4) Ni muhimu kwamba tuliendee kila siku na kuwa tayari kulitumia kuwafundisha wengine.