Je, Agosti Utakuwa Mwezi Muhimu?
1 Mwaka wa 1963 ulikuwa mwaka muhimu kwa watu wa Yehova. Wajua ulikuwa hivyo kwa nini? Wakati huo ndipo idadi ya wahubiri ulimwenguni pote ilipotimia milioni moja. Ikiwa ulikuwa katika kweli wakati huo, huenda ukakumbuka jinsi tulivyosisimuka kuwa na watu wengi hivyo wakihubiri ujumbe wa Ufalme! Sasa, kuna wahubiri 5,599,931 ulimwenguni pote, kulingana na kichapo 1998 Yearbook of Jehovah’s Witnesses. Hata hivyo, kila mwezi, wengi wetu hatutoi ripoti inayoonyesha kwamba tulishiriki kwa kiasi fulani katika huduma.
2 Kubali Mwito: Wakati wa Agosti tutajitahidi kufikia kilele kikuu kuliko vyote cha wahubiri 30,000 katika Afrika Mashariki. Jitihada zetu zikifaulu, Agosti utakuwa mwezi muhimu kwelikweli! Twaweza kufanya hivyo ikiwa sote tutatimiza sehemu yetu.
3 Wale wanaopangia likizo wanaweza kutumia wakati fulani katika huduma kabla ya kwenda. Beba trakti, broshua, au magazeti ili uweze kutoa ushahidi kwa watu unaokutana nao unakoenda. Pia, ufikapo waweza kufurahia kushiriki katika huduma na wahubiri wa mahali hapo.
4 Ikiwa huna nguvu, bado waweza kushiriki katika huduma. Unaweza kutolea ushahidi madaktari, wauguzi, au wageni. Labda waweza kutoa ushahidi kwa njia ya barua au simu.
5 Wengine bila shaka watathamini msaada wa kushiriki katika utumishi wa shambani katika Agosti. Wazee, watumishi wa huduma, na viongozi wa funzo wapaswa kupanga kuandaa msaada huu. Kwa vyovyote vile, usisahau kutoa ripoti yako ya utumishi wa shambani bila kukawia mwisho wa mwezi ili uhesabiwe kuwa mhubiri katika Agosti.
6 Thamini Pendeleo Hilo: Huduma ni ‘amana bora.’ (2 Tim. 1:14) Twathamini pendeleo ambalo tumepewa la kuhubiri habari njema. (1 The. 2:4) Tufikiriapo kila kitu ambacho Yehova ametufanyia, twapaswa kuchochewa kuendelea kushiriki katika kazi hii ya maana zaidi mwaka wote mzima. Hatupaswi kuruhusu kitu chochote kituzuie kuhubiri kwa ukawaida. Na tuufanye mwezi huu wa Agosti kuwa mwezi muhimu katika utumishi wa Yehova na tuazimie kutoa ushahidi kumhusu kila mwezi baada ya hapo!—Zab. 34:1.