Agosti Utakuwa Mwezi wa Pekee Sana wa Utendaji!

1. Ni kampeni gani itakayofanywa ulimwenguni pote tunapokaribia miaka 100 tangu Ufalme wa Mungu ulipozaliwa?

¹ Tunakaribia miaka 100 tangu Ufalme wa Mungu uzaliwe. Inafaa kama nini kumsifu Yehova kwa kushiriki katika kampeni ya pekee! Katika mwezi wa Agosti tutasambaza ulimwenguni pote trakti mpya yenye kichwa Tutapata Wapi Majibu ya Maswali Muhimu Maishani? Trakti hii inawatia moyo wasomaji watafute majibu kutoka kwenye Biblia na inaeleza jinsi Tovuti yetu ya jw.org inavyoweza kuwasaidia.

2. Tunawezaje kuchangia ‘kupaaza sauti kubwa kwa kumsifu Yehova’ katika mwezi wa Agosti?

² Sauti Kubwa ya Sifa: Ili kuwasaidia wahubiri waongeze utumishi wao, uandalizi wa pekee umefanywa kwa yeyote ambaye angependa kufanya upainia msaidizi katika mwezi wa Agosti. Katika mwezi huo, wahubiri waliobatizwa wataruhusiwa kufanya upainia msaidizi kwa kutimiza takwa la saa 30. Kwa kuwa mwezi wa Agosti una Ijumaa, Jumamosi, na Jumapili tano, wahubiri wengi ambao ni wafanyakazi au wanaoenda shuleni katikati ya juma wataweza kufanya upainia msaidizi. Ikiwa una mwanafunzi wa Biblia anayefanya maendeleo au mtoto ambaye angependa kuwa mhubiri, zungumza na mratibu wa baraza la wazee bila kukawia. Litakuwa jambo lenye kutia moyo kama nini kujiunga na wahubiri hao wapya katika mwezi huo wa pekee! Ingawa mapainia wengi wa kawaida wanachukua likizo mwezi wa Agosti baada ya kutimiza takwa lao la mwaka la saa, huenda ingefaa warekebishe ratiba ili washiriki kikamili kampeni hiyo ya pekee. Huu ndio wakati wa familia kuzungumzia jinsi watakavyochangia ‘kupaaza sauti kubwa kwa kumsifu Yehova’ katika mwezi wa Agosti.​—Ezra 3:11; Met. 15:22.

3. Tunatarajia kutimiza nini katika kampeni hii ya pekee sana?

³ Ingawa tumeshiriki katika kampeni kama hizo wakati uliopita, tunatumaini kwamba kampeni hii itakuwa ya pekee sana. Je, tunaweza kufikia vilele vipya vya saa, wahubiri, na mapainia wasaidizi katika mwezi wa Agosti? Tunapokaribia mwisho wa mwaka wa utumishi wa 2014, Yehova abariki jitihada za watumishi wake ulimwenguni pote za kufanya mwezi wa Agosti kuwa mwezi ambao tutatoa ushahidi mkubwa kuliko wakati mwingine wowote!​—Mt. 24:14.