Nafasi za Kumsifu Yehova Zaongezeka
1. Ni mpango gani mpya unaoweza kutusaidia ‘kumsifu sana Yehova’?
1 Katika mwezi uliopita wa Machi, mpango mpya ulianzishwa unaowapa wahubiri nafasi ya kufanya upainia msaidizi wa takwa la saa 30 kila mwezi wa Machi na Aprili, na katika mwezi ambao kuna ziara ya mwangalizi wa mzunguko. Ikiwa ziara ya mwangalizi wa mzunguko inaanza mwishoni mwa mwezi na kumalizika mwanzoni mwa mwezi mwingine, wahubiri ambao wanataka kutimiza takwa la saa 30 wanaweza kuamua kufanya upainia msaidizi mwezi ambao ziara inaanza au mwezi unaofuata. Mapainia wote wasaidizi wanaweza kuhudhuria kipindi chote cha mkutano ambao mwangalizi wa mzunguko hufanya na mapainia wa kawaida na wa pekee. Hilo linamaanisha kwamba ikiwa hatuwezi kutimiza takwa la saa 50, bado tunaweza ‘kumsifu sana Yehova’ kwa kufanya upainia msaidizi wa takwa la saa 30 hadi kufikia mara nne kwa mwaka!—Zab. 109:30; 119:171.
2. Wale watakaofanya upainia msaidizi wakati wa ziara ya mwangalizi watafurahia nini?
2 Wakati wa Ziara ya Mwangalizi wa Mzunguko: Sasa wengi zaidi wataweza kufanya upainia msaidizi wakati wa ziara ya mwangalizi wa mzunguko na kufurahia ubadilishanaji wa kitia moyo unaopatikana kwa kuhubiri pamoja naye. (Rom. 1:11, 12) Huenda mapainia wengi wasaidizi wakapanga kuomba ruhusa kazini ili wahubiri na mwangalizi wa mzunguko siku moja katikati ya juma. Wale wanaofanya kazi katikati ya juma wanaweza kumwomba mwangalizi wa mzunguko ahubiri nao siku ya Jumamosi au Jumapili. Kwa kuongezea, litakuwa jambo lenye kutia moyo kama nini mapainia wasaidizi watakapohudhuria mkutano wa mapainia pamoja na mapainia wa kawaida na wa pekee!
3. Kwa nini majira ya Ukumbusho ni wakati mzuri sana wa kufanya upainia msaidizi?
3 Mwezi wa Machi na Aprili: Wale waliofanya upainia msaidizi kwa mwezi mmoja wakati uliopita wa majira ya Ukumbusho na kutimiza takwa la saa 30, sasa wanaweza kutoa “dhabihu ya sifa” mara mbili! (Ebr. 13:15) Miezi ya Machi na Aprili ni miezi mizuri sana ya kupanua huduma yetu kwa kufanya upainia msaidizi. Kila mwaka katika majira hayo, tunashiriki katika kampeni inayofurahisha ya kuwaalika watu wahudhurie Ukumbusho. Kwa kuongezea, kwa sababu wengi hupanua huduma yao katika majira ya Ukumbusho, tunaweza kuhubiri na wahubiri tofauti tofauti. Baada ya Ukumbusho, tunafuatia upendezi ulioonyeshwa na wale waliohudhuria na kuchochea hamu yao ya kusikiliza hotuba ya pekee ya watu wote. Je, moyo wako utakuchochea utumie nafasi hizo za ziada kufanya upainia msaidizi?—Luka 6:45.