Wimbo 206

“Lifurahieni Tumaini”

(Warumi 12:12)

1. Tushukuru Mungu wetu

Kuishi kwa tumaini.

Hilo ni nanga hakika;

Kwalo tunathibitika.

Tumaini ni kofia

Humuzuia Shetani;

Hupinga mbali uovu

Hupa nguvu za adili.

2. Twalifurahia lile

Tumaini letu mbele

Na wafu kufufuliwa

Waipande Paradiso!

Milele hata milele

Watu watafaidika

Na mupango wake Mungu,

Wapate furaha tele.

3. Ili tulitie nguvu,

Tutunze safi mioyo,

Tusome Neno la Mungu,

Sala zetu zisikiwe.

Wengine wafurahie,

Tusiwe wenye uchoyo,

Bali tutangaze kote,

Wengine waje kwa Mungu.