Tafuta Mahali Pazuri pa Kujifunzia

Je, ungependa kunufaika zaidi na funzo lako la kibinafsi? Unaweza kujaribu madokezo haya ili kuwa na mazingira mazuri ya kujifunzia:

• Chagua mahali pazuri panapofaa. Ikiwezekana, tafuta mahali safi na penye mwanga wa kutosha. Unaweza kuketi kwenye dawati au mezani, au unaweza kutafuta mahali panapofaa nje ya nyumba.

• Tafuta mahali penye faragha. Yesu alichagua kusali “asubuhi na mapema” na alienda “mahali pasipo na watu.” (Marko 1:35) Ikiwa si rahisi kwako kupata mahali penye faragha, unaweza kuwajulisha ratiba yako ya kujifunza, watu wa familia yako au watu unaoishi nao nyumba moja na uwaombe wasikukengeushe unapojifunza.

• Epuka vikengeusha fikira. Ikiwa unatumia simu au tablet ili kujifunza, zima mlio wa simu au uiweke katika mfumo ambao hautakukengeusha. Na ikiwa utakumbuka kwamba kuna jambo fulani unalohitaji kufanya, liandike mahali ili ulishughulikie baadaye. Ikiwa ni vigumu kwako kukaza fikira, pumzika kidogo kwa kujinyoosha au kutembea.