Utendaji wa Mashahidi wa Yehova Katika Nyakati za Kisasa

Samoa

Masimulizi haya kuhusu historia ya Mashahidi wa Yehova huko Samoa yanakazia ujitoaji-kimungu, ushikamanifu, na ujasiri. Soma kuhusu mahubiri katika maeneo ya kitropiki yenye watu wanaopenda sana dini na wanaoijua Biblia vizuri sana hivi kwamba wanatumia maneno ya pekee wanapozungumza na Mungu au wanapozungumza kumhusu. Utasoma kuhusu Mashahidi ambao wamekabiliana na matatizo ya afya yanayoonekana kuwa makubwa sana ili waendelee kumtumikia Yehova. Soma kuhusu familia iliyotembea kilomita 22 katika eneo lenye milima ili kuhudhuria mikutano na uone kwa nini watoto fulani wa mashambani walikuwa wakisema, “Har-Magedoni inakuja!”

Nchi Ambazo Zilikuwa Sehemu ya Yugoslavia

Katika eneo ambako tofauti za kikabila na za kidini zimesababisha umwagikaji wa damu na chuki, tunapata masimulizi ya pekee kuhusu imani na ujasiri. Ndugu mmoja anasema hivi kuhusu Mashahidi fulani walionaswa ndani ya mojawapo ya majiji ambayo yamewahi kuzingirwa kwa muda mrefu zaidi katika historia ya leo: “Ingawa wengine wetu walikuwa Wakroatia, Waserbia, na Wabosnia—makabila yaleyale matatu ambayo yalikuwa yakiuana kule nje—tuliunganishwa na ibada safi.” Unaposoma ripoti hiyo, imani yako itatiwa nguvu unapoona jinsi ambavyo akina ndugu waliendelea kuwa watimilifu nyakati za amani na nyakati za vita pia.