Uansuifu harimwa li dunia la sirini

Piya wantru wa sirini Jehovah a wa umba waka wema. Alafu malaika moja y rendreha yapeu. Uwo de Shetwani Ibilisa. Shetwani ako tsaha amba wakazi wa shivandreju mwatsi wa mu ambudu de waye, be tsi de Jehovah. Yani de ya mahadisi :

Harimwa y zarde ya Eden, vuka miri mengi yako dza mbiya zendza lada. Jehovah a mu ambia Adam na mshe wahe, Hawa, amba watso juwa wa le zi mbiya za miri zini ha y heli wa tamani, badi zi mbiya za mwiri umoja : wa hendra ata wa zi li, watso fa bila shaka (Genèse 2:9, 16, 17).

Suku mengoni mwa suku makati Hawa aka wekewahe, vwa nyoha y laguwa na waye. Risi elewa amba tsi de nyoha ini de yako laguwa swafi ; de Shetwani lbilisa de ako mu laba Hawa. Shetwani a mu ambia Hawa amba neka a li y mbiya ya mwiri ya haramidziwa atso fanyiha mwendza hikima nori de Mungu. A mu ambia tsena amba katso fa. Marongozi mayili yani yaka trambo. Be sabu Hawa a mu amini Shetwani amoesa a li y mbiya ya mwiri. Mbeli mbeli, a mu va tsena mme wahe, waye wajau a li (Genèse 3:1-6).

Ulawana na y hadisi kweli kweli ini, risi soma amba Shetwani waye muansuifu amoesa mwendza trambo. A mu ambia Hawa amba katso fa neka a mu ansui Mungu. Zizo trambo. A fu kweli na Adam wajau. Shetwani ka fa wakati ule ; be iyo de itso mu parao mana waye ne a koso. Be ha hu lindra, asi eshi amoesa asi tikadi hu poteza u binadamu. Ata leo waye munafiki, amoesa asi djerebu hu vinga u wanadamu wa dage zi shariya za Mungu (Jean 8:44).

Malaika zangina zisu ansui.

Mbeli mbeli oho, malaika zangina zi rendreha mbovu. Zi malaika zini zi mayizi watru washe wazuri shivandreju mwatsi, amoesa zi vendze zi lale na wao. Basi zi shuku shivandreju mwatsi ha hu pindra mwili wa shi wanadamu. Alafu zi renge watru washe. lyo ika kinyume na mupango wa Jehovah (Genèse 6:1, 2 ; Jude 6).

Zi anmali zao zini zi vingiya maondo mengi u binadamu. Watru washe wa zi malaika zini wa dza wana, be wana wani kawaka nori de wasaliya. Wa fanyiha wantru wa bole wa guguru na roho siki. Muisoni shivandre yatsi y jaya na upeu, ata Jehovah a renge anzima ya hu ngamidza piya wantru wapeu ha hu shukidza daruba ya vua. Wantru wa vuka harimwa y daruba ini de Nuhu na udjama wahe tu mana waka wantru wa haki (Genèse 6:4, 11 ; 7:23).

Be zi malaika zapeu zi regeya harimwa li dunia la sirini ; kaza fa. Be zi remwa shengue. Kaza kubaliwa tsena harimwa udjama wa Mungu, harimwa zi malaika ndjema. Alafu Jehovah kazi ruhusu tsena zizo hu pindra mwili wa wanadamu. Zizo ne muisoni zitso fa wakati wa mahukuma mabole (2 Pierre 2:4 ; Jude 6).

Shetwani a truswa mbinguni

Mwandro mwa y karne, vu hidjiri kondro mbinguni. Harimwa y Labiblu, y shio ya Révélation isi y rongowa namna ini : « Na kondro y waliha mbinguni : Mikael [Insa a baanthiwa] na zi malaika [ndjema] zahe zi wana kinyume na y dragon [Shetwani], na y dragon na zi malaika [mbovu] zahe zi wana, be waye tsi de aka muhodari, amoesa kavwaka tsena bandza lao mbinguni. Basi y dragon bole y pulisiwa, y nyoha ya mwandroni, uwo a hiriwao lbilisa na Shetwani, uwo a potezao y shivandre yatsi piyayo ; a pulisiwa shivandreju mwatsi, na zi malaika zahe zi pulisiwa na waye. »

Mavuna trini de ya parihuana ? Mahadisi yasi endra mbeli : « lyo de y mana namu jiviwe, zi mbingu, na wanyu muliyo ! » Zi malaika ndjema zi shindri zi jiviwa ha ivo iliyo amba Shetwani na zi malaika mbovu zahe, au zi zumbe za sirini zapeu, kazaka tsena mbinguni. Basi wakazi wa shivandreju mwatsi ? Y Labiblu isi rongowa : « Taambu shivandreju mwatsi na baharini, mana Ibilisa a shuku hanyu, ana hasira bole, ivo a juwao amba a bakiwani na wakati mkutri » (Révélation 12:7-9, 12).

Ewa, Shetwani na wanyahe wapeu wasi poteza wakazi wa shivandreju mwatsi na hu wa shukidziya taambu bole. Zi malaika zapeu zini zisi hiriwa madjini. Yayo maanduyi ya Mungu. Piyayo yana anzima zapeu.