Ya madjini yayo makatili !
Shetwani na ya madjini nyangu hale wao na roho siki amoesa hatwari. Hale oho, Shetwani a ngamidza li bangwe la zinyama na warumwa wa Ayuba mutuyivu. Amoesa a ulu wana kumi wa Ayuba ha hu tsongesa « daruba ya pevo » ya komowa y nyumba u vahanu wao waka. Amoesa a mu triya Ayuba « uwade wa tsungu nyangu mindruni ata shitswani » (Job 1:7-19 ; 2:7).
Harimwa wakati wa Insa, ya madjini yaka ya rendresa wantru mabubu, na mafa matso (Matthieu 9:32, 33 ; 12:22). Yako taambisha mutru tsuwani ata ako renga mawe a hi dji randruwa u mwili (Marc 5:5). Yako vinga tsena mwanamtsa mutru baba tsuwani ahi lawa keme, na hu dji vutza motsi « ahi dridrima » (Luc 9:42).
Harimwa wakati wavira, ya madjini yako fanya wantru mawade au yako triya wantru kifafa.
Shetwani na ya madjini ata leo wana nguvu za hu fanya upeu, amoesa wa wapeu tsena zaidi nyangu wa truswa mbinguni. Harimwa li dunia la mafiha, y roho siki yaho isi onehuana. Vwa wantru wa wa fanyao wawade, vwa wa wa taambishao mauku ata wantru wani kawa para tsinzi au u ona ndzozi zapeu, wasaliya wao u wa vinga harimwa uzainifu wapeu, na wasaliya tsena wao u wa triya masera, u wa sukuma wa endre wa ule au wa dji ule.
Leo, madjini yayo u fanya wantru wapeu ; na wasaliya, u wa taambisha mauku ha hu wa enyesa ndzozi zi risidzao.
Lintina, mwana bueni tsuwani wa shi Surinam, asi rongowa amba vwa djini, au mutru wa sirini wapeu, a ula wantru 16 harimwa udjama wahe amoesa wayewaye harimwa maha 18 djini lini li mu taambisha harimwa u mwili wahe ha hu mu sikitisha, na hu mu triya mawade, na hu mu menya zi fikira zahe. Ako juwa na y trongo ako y rongowa de mana a rongowa amba ya madjini yayo « u vendza ya sikitishe wantru wa ya kilimbiyao ata paka wa fe ».
Be Jehovah ana ushindzi wa hu hifadhui warumwa wahe kinyume na Shetwani (Proverbes 18:10).