Watu Wengi Wataokoka Mwisho Wewe Pia Unaweza Kuokoka

Biblia inatuambia kama kutakuwa uharibifu wakati mwisho utafika. Inasema hivi: ‘Kutakuwa na ziki kubwa ya namna ambayo haijapata kutukia tangu mwanzo wa ulimwengu mupaka sasa . . . Kwa kweli, kama siku hizo hazingefupishwa, hakuna chochote chenye mwili ambacho kingeokolewa.’ (Mathayo 24:21, 22) Lakini Mungu anaahidi kuwa watu wengi wataokoka: ‘Ulimwengu unapitilia mbali . . . , lakini yeye anayefanya mapenzi ya Mungu anadumu milele.’—1 Yohana 2:17.

Ikiwa unapenda kuokoka mwisho wa ulimwengu huu na ‘kudumu milele,’ unapaswa kufanya nini? Unapaswa kuanza kukusanya na kuweka vitu vya kimwili ao kujitayarisha kwa njia nyingine ya kimwili? Hapana. Biblia inatutia moyo sana tutie mambo mengine pa nafasi ya kwanza. Inasema hivi: ‘Kwa kuwa hivyo vitu vyote vitayeyushwa jinsi hiyo, ninyi munapaswa kuwa watu wa namna gani katika matendo matakatifu ya mwenendo na vitendo vya ujitoaji-kimungu, mukingojea na kuweka karibu akilini kuwapo kwa siku ya Yehova.’ (2 Petro 3:10-12) Maneno yenye kutangulia yanaonyesha kama, kati ya “vitu vyote” vyenye vitayeyushwa kuna watawala wa dunia hii yenye kujaa matendo mabaya na watu wote wenye wanaunga mukono utawala wao kuliko utawala wa Mungu. Ni wazi kuwa kukusanya na kuweka vitu vya kimwili hakuwezi kutuokoa wakati wa uharibifu huo.

Kwa kweli, ili tuokoke tunapaswa kujitoa kwa Yehova Mungu na kujifunza juu ya tabia na matendo yenye kumufurahisha. (Sefania 2:3) Hatupaswe kufuata mawazo ya watu wengi leo na kupuuza mambo yenye kuhakikisha kuwa tunaishi katika kipindi cha maana sana. Lakini tunapaswa “kuweka karibu akilini kuwapo kwa siku ya Yehova.” Mashahidi wa Yehova wanaweza kukuonyesha katika Biblia mambo yenye unaweza kufanya ili uokoke siku hiyo inayokuja.