Kuchunguzwa Na Yehova: Kwa Nini Ni Kwa Faida?

¹ Kila mtu anatamani kuishi akiwa mwenye afya nzuri; uhai ungekuwa mzuri zaidi wee. Hivyo, hata watu wenye afya nzuri wanauliza mara kwa mara hali ya afya yao. Kwa nini? Wanatumaini kuvumbua mapema zaidi tatizo lolote la afya ili kutengeneza mambo. Ni jambo la lazima tena zaidi kuwa waangalifu kuhusu afya yetu ya kiroho. Ili kukubaliwa na Yehova, tunapaswa kubaki “wenye afya katika imani.”​—Tito 1:​13, TUM.

² Huu ndio wakati wa kujiacha kuchunguzwa na Yehova. Kwa nini hivyo? Kwa sababu Yehova yumo katika hekalu lake takatifu na anachunguza mioyo ya watu wote. (Zab. 11:​4, 5; Mit. 17:3) Kama Daudi, tunamuomba Yehova uchunguzi kamili: “Unijaribu, Ee [Yehova], na unipime; ujaribu viuno vyangu na moyo wangu.”​—Zab. 26:2.

³ Kwa kuwa mwili wetu ni usiokamilika, tunapaswa kuwa macho dhidi ya jambo ambalo, ndani yetu wenyewe, linashambulia afya yetu ya kiroho. Mithali 4:23 inatoa shauri hili: “Linda moyo wako kuliko yote unayolinda; maana ndani yake zinatoka chemchemi za uzima.”

⁴ Afya yetu ya kiroho inashambuliwa pia na ulimwengu mpotovu na wenye ufisadi unaotuzunguka. Ikiwa tunajiruhusu kuwa karibu sana na mfumo huu mwovu, kuna hatari kwamba tuanze kufikiri kama huo na kuiga mielekeo ya ulimwengu. Au tena tungeweza kuiga mtindo wa maisha ambao ulimwengu unafundisha na kunaswa na roho yake.​—Efe. 2:2, 3.

⁵ Ili kutuangamiza kiroho, Shetani anaweza kutumia mnyanyaso au upinzani wa moja kwa moja. Lakini mara nyingi, anatumika kwa werevu juu ya uvutano wa ulimwengu. Petro anatuomba ‘kutunza akili zetu na kuwa wenye kulinda,’ kwani Shetani ni “kama Simba anayenguruma,” “akitafuta sana kunyafua mtu fulani.” Tunaalikwa ‘kushindana naye tukiwa thabiti katika imani.’​—1 Pt. 5:8, 9, TUM.

⁶ Ni jambo la muhimu kulinda hali yetu ya kiroho kwa kuwa na imani yenye nguvu, inayotunzwa kila siku. Mtume Paulo anatushauri kujaribu kila mara imani yetu. Hekima inatuomba kufuata mashauri yenye kutenda kazi ya mganga mzuri; vivyo hivyo, imetupasa kumsikiliza Yehova wakati uchunguzi wake wa kiroho unafunua ndani yetu tatizo la kutunza. Tunaweza hivyo ‘kutumika kwa marekebisho yetu.’​—2 Kor. 13:​5, 11.

⁷  Hakika Yehova ndiye Mganga bora awezaye kuwa. Uchunguzi wake sikuzote ni hakika. Anajua sawasawa ni nini tunalohitaji. Kupitia Neno lake na “mtumwa mwaminifu,” anatutolea chakula cha kiroho chenye afya. (Mt. 24:45; 1 Tim. 4:6) Kwa kula kikawaida chakula hicho cha kiroho chenye afya, nyumbani kwetu na kwenye mikutano ya kutaniko, tutabaki wenye afya nzuri kiroho. Mazoezi ya kiroho ya kawaida katika mpango wa huduma na utendaji mwingine mbalimbali wa Kikristo ni wenye manufaa pia. Ni kwa sababu hiyo tujiache kuchunguzwa kikawaida na Yehova, tukijua kwamba atatutolea afya bora ya kiroho iwezekanavyo.