Je, wewe ni mtu mwenye haya?

¹ Hatushangazwi tunapoona mtoto mdogo akituchungulia huku akijificha nyuma ya baba au mama yake. Haya ni jambo la kawaida mapema katika utoto. Hata katika miaka ya utu mzima, wengi huwa na hali ya haya-haya kwa njia fulani. Ikiwa haya ina uvutano mbaya juu ya kushiriki kwako katika huduma, unaweza kufanya nini?

² Kukabiliana na haya: Ni jambo la maana kutoa uangalifu kwa “mtu wa siri wa moyoni.” (1 Pet. 3:4) Tia nguvu upendo wako kwa Yehova na kwa jirani yako. Uwe na uhakika kamili kwamba kutimiza utume wa kuhubiri ni moja ya njia bora za kuonyesha upendo wa kujinyima. Fuatia kawaida nzuri ya funzo la kibinafsi na kuhudhuria mikutano. Sali kikawaida na hasa kwa ajili ya msaada wa Yehova. Imani yenye nguvu na tumaini katika yeye vitajenga uhakika na kukupa “moyo mkuu hata zaidi kulisema neno la Mungu bila hofu.”—Flp. 1:14.

³ Piganisha mafikiri ya kutofaa. Inaonekana kwamba Timotheo alilazimika kufanya hivyo. Paulo alimtia Timotheo moyo “[a]siache mtu yeyote adharau ujana [wake],” akimkumbusha kwamba “Mungu alitupa sisi si roho ya woga, bali ile ya nguvu.” (1 Tim. 4:12; 2 Tim. 1:7) Timotheo alitumiwa kikamili na Yehova, ambaye atakutumia pia ikiwa unasonga mbele ukiwa na uhakika kamili katika Yeye.—Zab. 56:11.

⁴ Kutafakari andiko la Biblia, kama vile Mathayo 10:37, kulisaidia dada mmoja ambaye haya yake ilimfanya aogope mume wake mwenye upinzani. Kadiri alivyoendelea kuvumulia kwa bidii, huduma ikawa rahisi zaidi kwake, na mwishowe mume wake, mama yake, na ndugu zake wote walikubali kweli!

⁵ Matayarisho ni ya lazima: Uhakika wako utaongezeka zaidi ikiwa unajitayarisha kikamili kwa ajili ya huduma. Chagua utoaji mwepesi kutoka katika kitabu Kutoa Sababu au matoleo ya zamani ya Huduma Yetu ya Ufalme, jifunze na kujizoeza utoaji huo. Badala ya kuwa na hangaiko lisilo la lazima, fikiri inavyofaa. Pata uhodari kwa kutumika kwa ukaribu pamoja na wengine. Linda akilini kwamba wengi wa watu utakaokutana nao milangoni ni wenye haya kama wewe. Kila mtu anahitaji ujumbe wa Ufalme.

⁶ Ikiwa wewe ni mwenye haya, usikate tumaini. Kadiri unavyojitahidi, Yehova atakusaidia uwe mhubiri wa habari njema mwenye matokeo. Ndipo utakuwa na furaha katika huduma yako.—Mez. 10:22.