Programu ya Mikutano ya Utumishi
Juma Toka Januari 12
Wimbo 224
Dak. 10: Matangazo ya kwenu. Matangazo yaliyochaguliwa kutoka katika Huduma Yetu ya Ufalme. Kwa kutumia mapendekezo kwenye ukurasa wa 4, fanyeni onyesho kuhusu jinsi ya kutoa Mnara wa Mlinzi wa Januari 15 na Amkeni! ya Januari 22.# Katika kila onyesho, magazeti hayo mawili yanaweza kutolewa yakiwa pamoja, hata ingawa ni moja tu ndilo linalozungumziwa. Kisha kila onyesho, semea sehemu fulani nzuri za onyesho hilo.
Dak. 15: “Thamani Bora Zaidi ya Hekima ya Kimungu.”* Wakati ukiruhusu, omba wasikilizaji watoe maelezo kuhusu maandiko yanayotajwa.
Dak. 20: Vichapo Vipya Tulivyofurahia Kupokea! Mazungumzo pamoja na wasikilizaji. Tulishangilia kupokea vichapo viwili vipya kwenye Mkusanyiko wa Wilaya “Mtukuzeni Mungu.” Kichapo “Ona Nchi Nzuri” ni tofauti na vichapo vingine vyovyote katika maktaba yetu. Kila mara unapogeuza ukurasa utapata wazo kuhusu mambo mbalimbali ya Nchi Iliyoahidiwa. Onyesha mambo fulani fulani yanayopatikana kwenye ramani mbalimbali. Kwa kutumia kitabu, onyesha jinsi tunavyoweza kutumia mambo yanayopatikana ndani. Kitabu Jifunze Kutoka kwa Mwalimu Mkuu kitaongeza hali njema ya kiroho ya watoto wetu. Onyesha katika kitabu, vichwa vya habari fulani zenye kufaa wakati wetu, ukionyesha jinsi wazazi na watoto watakavyofaidika. Omba wasikilizaji waeleze jinsi wanavyofanya matumizi mazuri ya vichapo hivyo. Kwa wengi kati yetu, Biblia Takatifu Tafsiri ya Ulimwengu Mpya ni chombo chenye thamani kwa ajili ya funzo la pekee, ya huduma ya shambani na kwa ajili ya mikutano ya kutaniko kuanzia sasa na kuendelea. Hii ndiyo tafsiri ya Biblia itakayotumiwa sana na kunukuliwa katika makutaniko yanayozungumza Kiswahili. Kumbusha mambo fulani yenye thamani ya Tafsiri ya Ulimwengu Mpya.
Wimbo 186 na sala ya kumalizia.
Juma Toka Januari 19
Wimbo 95
Dak. 5: Matangazo ya kwenu.
Dak. 10: Kisanduku cha Maulizo. Hotuba itakayotolewa na mzee.
Dak. 15: Njia Sita za Kulinda Afya Yako. Hotuba na mazungumzo pamoja na wasikilizaji yanayotegemea makala katika Amkeni! ya Septemba 22, 2003, ukurasa wa 11-13. Omba wasikilizaji waeleze yale ambayo kila mmoja anaweza kufanya ili kutumikisha mashauri hayo. Tia vichwa vya familia moyo ili kulinda makala hii na kuirudilia kwa ukawaida.
Dak. 15: “Tunawezaje Kusaidia Wenzi wa Ndoa Wasio Mashahidi?”* Hoji mtu mmoja au wawili waliofikia kuwa watumishi wa Yehova kwa sababu ya mfano bora wa wenzi wao wa ndoa waliokubali kweli.
Wimbo 73 na sala ya kumalizia.
Juma Toka Januari 26
Wimbo 158
Dak. 12: Matangazo ya kwenu. Ripoti ya akaunti. Kumbusha wahubiri watoe ripoti za utumishi wa shambani za Januari. Kwa kutumia mapendekezo kwenye ukurasa wa 4, fanyeni onyesho kuhusu jinsi ya kutoa Mnara wa Mlinzi wa Februari 1 na Amkeni! ya Februari 8.# Katika kila onyesho, magazeti hayo mawili yanaweza kutolewa yakiwa pamoja, hata ingawa ni moja tu ndilo linalozungumziwa. Katika onyesho moja kati ya hayo, onyesha jinsi unavyoweza kutolea jirani gazeti.
Dak. 15: Tumia Neno la Mungu Katika Maisha Yako Kila Siku. Hotuba na mazungumzo pamoja na wasikilizaji. Tia wote moyo wafanye matumizi mazuri ya kijitabu Kuyachunguza Maandiko Kila Siku—2004. Zungumzieni maelezo kutoka Dibaji au utangulizi, ukurasa wa 3-4. Uliza wasikilizaji ni wakati gani wanaona kuwa unafaa zaidi ili kuchunguza andiko la kila siku. Chunguzeni pamoja na kutaniko andiko la siku ya leo na maelezo yake. Omba wasikilizaji waeleze jinsi tunavyoweza kutumia habari hii katika maisha yetu. Tia wote moyo wachukue kila siku wakati mchache ili kufikiri namna wanavyoweza kutumia katika maisha habari inayozungumzwa wakati wanapochunguza andiko kila siku.
Dak. 18: Tusitawishe Urafiki na Waamini Wenzetu. (Met. 18:24; 27:9) Hotuba na mazungumzo pamoja na wasikilijazi yanayotegemea Mnara wa Mlinzi wa Desemba 1, 2000 ukurasa wa 22-3. Mojawapo za baraka za ibada ya kweli ni kuwa na nafasi ya kujifanyia marafiki wa kweli. Ushirika wetu kwenye mikutano, katika utumishi wa shambani, na kwenye pindi nyingine ni chanzo kikuu cha kitia-moyo. Tunawezaje kusitawisha urafiki na wengine katika kutaniko? Rudilia kisanduku “Hatua Sita za Kuwa na Urafiki Wa Kudumu,” na omba wasikilizaji waeleze jinsi kila hatua inavyoweza kutumiwa tunaposhughulika na ndugu zetu.
Wimbo 177 na sala ya kumalizia.
Juma Toka Februari 2
Wimbo 204
Dak. 10: Matangazo ya kwenu. Sema kuhusu toleo la vichapo la Februari. Rudilieni mapendekezo ya utoaji mbalimbali kwa ajili ya kutolea watu kitabu Mkaribie Yehova, mapendekezo ya utoaji unaopatikana katika Huduma Yetu ya Ufalme ya Januari 2003, ukurasa wa 3.
Dak. 20: “Endeleeni Kuangalia Sana Jinsi Mnavyotumia Wakati Wenu.”*Omba wasikilizaji waeleze yale wanayofanya ili utendaji mbalimbali usio wa lazima usichukue wakati wa kushughulikia mambo ya kiroho.
Dak. 15: Tumwige Paulo Kama Vile Yeye Alivyomwiga Kristo. (1 Kor. 11:1) Mazungumzo pamoja na wasikilizaji. Kama vile Yesu, Paulo alitumia vizuri nafasi zilizojitokeza ili kutolea ushahidi “wale waliokuwapo.” (Mdo. 17:17) Ni nafasi gani zinazojitokeza ili kufanya hilo katika eneo letu? Ni nani ‘waliopo’ tunapoenda kununua vitu dukani, tunapokuwa kazini au shuleni, au tunapochukua basi au teksi? Tunaweza kuzungumza na nani tunapokuwa nyumbani? Omba wasikilizaji waeleze mambo ambayo wamejionea katika kutoa ushahidi kwa watu waliokutana nao katika shughuli zao za kila siku.
Wimbo 151 na sala ya kumalizia.
* Fanya maneno ya utangulizi yasifikie dakika moja, kisha uendelee na mazungumzo ya maulizo na majibu.
# Tafadhali tumieni mapendekezo yaliyotolewa kuhusu magazeti ya karibuni zaidi yanayopatikana.