Programu ya Mikutano ya Utumishi

Juma Toka Julai 11

Wimbo 49

Dak. 10: Matangazo ya kutaniko lenu. Matangazo yaliyochaguliwa kutoka katika Huduma Yetu ya Ufalme. Tumia mapendekezo kwenye ukurasa wa 6 (ikiwa yanafaa eneo lenu) ili kuonyesha jinsi ya kutolea watu Mnara wa Mlinzi wa Julai 15 na Amkeni! ya Julai 22. Utoaji mwengine unaofaa kulingana na hali unaweza kutumiwa. Katika kila onyesho, onyesha njia tofauti ya kushughulikia kizuia-mazungumzo “Nina shughuli.”—Ona kitabu Kutoa Sababu, uku. 19-20.

Dak. 15: Kutolea Watu Broshua Katika Julai na Agosti—Sehemu 2. Hotuba na mazungumzo pamoja na wasikilizaji. Inategemea nyongeza. Eleza kwa kifupi jinsi ya kutumia nyongeza, ukikazia kisanduku kwenye ukurasa wa 3 na pia mambo makuu yaliyo katika Huduma Yetu ya Ufalme ya Januari 2005, ukurasa wa 8. Zungumzieni mapendekezo yanayofaa eneo lenu kwa ajili ya kutolea watu broshua katika ziara za kwanza. Fanyeni maonyesho mawili au matatu ya utoaji. Kijana mhubiri ashughulike angalau na onyesho moja.

Dak. 20: “Kuhubiria Watu Wengi Kadiri Iwezekanavyo.”* Mnapozungumzia fungu la 4, rudilieni mambo yanayotia moyo katika barua ya Januari 10, 2003, kuhusu kutumikia mahali ambapo kuna uhitaji mkubwa zaidi katika eneo letu. Mnapozungumzia fungu la 5, rudilieni mapendekezo katika Huduma Yetu ya Ufalme ya Juni 2005, ukurasa wa 8, mapendekezo yanayohusu eneo lenu.

Wimbo 88 na sala ya kumalizia.

Juma Toka Julai 18

Wimbo 173

Dak. 10: Matangazo ya kutaniko lenu. Chunguzeni kwa kifupi Mnara wa Mlinzi wa Agosti 15, 2000, ukurasa wa 32. Kazia faida ya kudumisha programu ya kawaida ya usomaji wa Biblia wa kila siku, hata tukiwa katika mapumziko na wakati hatuhusiki na shughuli zetu za kawaida.

Dak. 15: “Kuongoza Mafunzo ya Biblia Yenye Maendeleo—Sehemu 11.”* Tia ndani onyesho la kiongozi wa funzo na mhubiri mpya wakijitayarisha kufanya ziara ya kurudia. Wanarudilia yale waliyozungumzia katika ziara ya kwanza na wanachagua jambo linalofaa la kuzungumzia kwenye ziara ya kurudia. Wanatayarisha pia utangulizi rahisi na ulizo linaloweza kutokezwa mwishoni mwa ziara. Onyesho linafikia mwisho wanapokuwa tayari kujizoeza utoaji ambao wametayarisha.

Dak. 20: Saidieni Wengine Wathamini Biblia. Mazungumzo ya maulizo na majibu yanayotegemea kitabu Mwabudu Mungu, ukurasa wa 24-25, fungu la 3-6. Tumia maulizo yanayotolewa katika kitabu. Tia ndani maelezo kutoka katika broshua Kitabu kwa Ajili ya Watu Wote, ukurasa wa 32.

Wimbo 10 na sala ya kumalizia.

Juma Toka Julai 25

Wimbo 138

Dak. 15: Matangazo ya kutaniko lenu. Soma ripoti ya akaunti na shukrani kuhusu zawadi. Tumia mapendekezo kwenye ukurasa wa 6 (ikiwa yanafaa eneo lenu), ili kuonyesha jinsi ya kutolea watu Mnara wa Mlinzi wa Agosti 1 na Amkeni! ya Agosti 8. Utoaji mwengine unaofaa kulingana na hali unaweza kutumiwa. Katika utoaji mmoja, onyesha jinsi ya kutoa magazeti kivivi hivi katika soko au mahali pengine panapofaa ambapo watu wengi wanapatikana.

Dak. 10: Kazia Kweli Katika Moyo wa Mwana Wako. (Kum. 6:7) Hotuba itakayotolewa na mzee inayotegemea Mnara wa Mlinzi wa Agosti 15, 2002, ukurasa wa 30-31. Kazia kanuni za Maandiko zinazotoa mwongozo kwa mzazi Mkristo aliye na mwenzi ambaye si Shahidi kuhusu kulea watoto.

Dak. 20: “Deni Letu kwa Wengine.”* Tia ndani maelezo kutoka katika Mnara wa Mlinzi wa Julai 1, 2000, ukurasa wa 11, fungu la 13.

Wimbo 82 na sala ya kumalizia.

Juma Toka Agosti 1

Wimbo 187

Dak. 15: Matangazo ya kutaniko lenu. Kumbusha wahubiri watoe ripoti za utumishi wa shambani wa Julai. Omba wasikilizaji wafungue kitabu Shule ya Huduma kwenye ukurasa wa 70, na kwa njia ya mazungumzo pamoja na wasikilizaji, chunguzeni fungu la 1-2 na kisanduku “Jinsi ya Kutoa Maelezo Katika Mikutano.”

Dak. 15: “Saidieni Watoto Wenu Wafanye Maendeleo Katika Huduma.” Hotuba na mazungumzo pamoja na wasikilizaji. Tia ndani onyesho la mzazi na mtoto wakikutumia utoaji ulio rahisi. Omba mzazi amalizie kwa kufasiria kwa kifupi mpango kuhusu zawadi.

Dak. 15: Je, Umejaribu Utangulizi Usio Mgumu? Hotuba na mazungumzo pamoja na wasikilizaji yenye kutegemea Huduma Yetu ya Ufalme ya Januari 2005, ukurasa wa 6. Rudilieni mapendekezo yaliyotolewa, na onyesha jinsi utoaji usio mgumu unavyoweza kutumiwa kuhusu toleo la vichapo la Agosti. Fanyeni onyesho moja au maonyesho mawili ya utoaji.

Wimbo 218 na sala ya kumalizia.

* Fanya maneno ya utangulizi yasifikie dakika moja, kisha uendelee na mazungumzo ya maulizo na majibu.