Tukomalishe Ufundi Wetu wa Kuhubiri—Kuzoeza Mwanafunzi wa Biblia Ili Akuwe na Programu Nzuri ya Kujifunza

Sababu Gani Ni Lazima Kufanya Hivyo: Ili wafikie kukomaa kiroho, wanafunzi wa Biblia wanapaswa kujaza akili na mioyo yao mafundisho mengine zaidi ya mafundisho ya musingi ya Neno la Mungu. (Ebr. 5:12–6:1) Unapaswa kujikaza sana ili kujifunza, ni kusema unapaswa kulinganisha habari yenye unasoma na habari zenye tayari unajua, na kuona namna gani unaweza kutumikisha habari hiyo. (Met. 2:1-6) Kufundisha wanafunzi namna wao wenyewe wanaweza kutafuta habari kutawasaidia kupata majibu ya Biblia kwa kutumia vichapo vyetu. Kujikaza sana kutumikisha mambo yenye wanajifunza kutawasaidia kushindana na majaribu yenye watapata katika maisha yao ya Kikristo.—Lu. 6:47, 48.

Namna ya Kufanya:

Umuonyeshe sababu gani ni jambo la maana kusali kila mara wakati anajifunza.—Yoh. 14:26; 1 Kor. 2:10.
Wakati tu munaanza kujifunza naye Biblia, umutie moyo akuwe anajitayarisha. Umuonyeshe kitabu ao broshua yako, na umufundishe namna ya kutia kistari chini ya maneno ya maana tu katika jibu.
Umusaidie atoe jibu kwa maneno yake mwenyewe. Funzo haipaswe kuwa tu ya maulizo na majibu, ni kusema, mwalimu anauliza ulizo na mwanafunzi anasoma tu jibu namna imeandikwa katika kitabu.
Umutie moyo mwanafunzi wako asome sehemu fulani ya Neno la Mungu kila siku. Umuonyeshe kwenye jw.org programu ya kusoma Biblia, yenye inaonyesha namna anaweza kusoma Biblia kila siku. Haiko mwepesi kuwa na programu ya kusoma Biblia kila siku, lakini kufanya hivyo kunaleta matokeo mazuri.—Zab. 1:2, 3.
Umuonyeshe mwanafunzi wako namna anaweza kupata majibu ya Biblia kwa kutumia Watchtower Library na Watchtower—MAKTABA KWENYE INTERNETE. Umusadie kujua alama za vitabu vyenye tunatumia katika mikutano yetu; kwa mufano, ia ni alama ya kitabu “Tuige Imani Yao,” km ni alama ya “Huduma Yetu ya Ufalme,” w ni alama ya “Munara wa Mulinzi.”

Tumikisha Shauri Hili Katika Mwezi:

Wakati munamaliza kichwa kidogo ao sura fulani, umuulize mwanafunzi wako wa Biblia aeleze kwa kifupi mambo yenye amejifunza. Kama hauna funzo ya kuongoza, soma andiko fulani ao fungu fulani la Munara wa Mulinzi, kisha ueleze kwa kifupi katika maneno yako mwenyewe ili kukomalisha uwezo wako wa kuelewa mambo.