MAISHA YA MUKRISTO

Tumia mu Mahubiri Broshua na Kitabu Furahia Maisha Milele!

Tuko na furaha sana ya kupata broshua na kitabu ya mupya kwa ajili ya kuongoza mafunzo ya Biblia! Tunasali Yehova atubariki juu tuweze kufanya wanafunzi wengi sana. (Mt 28:18-20; 1Ko 3:6-9) Tunaweza kufanya nini ili kutumia muzuri hivi vyombo?

Kulingana na vile Furahia Maisha Milele! inapangwa, ni lazima mwanafunzi na mwalimu wakuwe nachangia mazungumuzo wakati ya funzo. Kwa hiyo, juu muko njia ya mupya ya kufundisha, inaomba kufuata hii maagizo wakati uko najitayarisha na wakati uko naongoza mafunzo ya Biblia.a

Kusoma habari na kuzungumuzia maulizo
Kusoma maandiko yenye iko na neno “soma” na kusaidia mwanafunzi aelewe namna ya kuitumikisha
Kuangalia mavideo na kuizungumuzia kwa kutumia maulizo yenye ilitayarishwa
Kujikaza kumaliza somo yote kila mara yenye munajifunza

Wakati uko mu mahubiri, upatie kwanza musikilizaji broshua juu ya kuona kama anapendezwa. (Ona kisanduku, “Namna ya Kutolea Mutu Broshua Furahia Maisha Milele! Wakati Unamutembelea Mara ya Kwanza.”) Kama unamaliza kujifunza broshua pamoja na mwanafunzi na unaona kama anapenda kuendelea, umutolee sasa kitabu na muendeleshe funzo mu somo ya 04. Kama ungali najifunza na mutu mu kitabu Biblia Inatufundisha, ao kitabu Namna ya Kubakia Katika Upendo wa Mungu, ao kichapo ingine ya kuongozea amo funzo, uache na uanze kujifunza naye kitabu Furahia Maisha Milele! na uamue ni wapi kwenye mutaanzia.

Walewale bibi na bwana wanatumia kitabu “Furahia Maisha Milele!” ili kuongoza funzo ya Biblia ya mwanaume na wako kwake.

MUANGALIE VIDEO TUNAKUKARIBISHA KU MAZUNGUMUZO YETU YA BIBLIA, NA KISHA MUJIBIE HII MAULIZO:

Wanafunzi watajifunza mambo gani mu hii kitabu ya mupya?
Juu ya nini unapaswa kuonyesha wanafunzi wapya hii video?
Ni mambo gani yenye unaweza kuambia mwanafunzi hatua kwa hatua akuwe nafanya? (Ona kisanduku “Wazo Kubwa na Mambo ya Kufanya mu Kila Sehemu.”)

a JAMBO YA KUKUMBUKA: Hata kama wakati ya funzo ni weye kuamua kama mutazungumuzia ao hapana sehemu “Habari Zingine”, wakati ya kujitayarisha inaomba kusoma na kuchunguza kila jambo yenye kuwa ndani. Kufanya vile, itakusaidia ujue ni nini yenye inaweza kufurahisha sana mwanafunzi wako na kumusaidia. Mu kitabu ya kielektroniki muko viunganishi (lien) vyenye vinapeleka ku video na ku habari zingne.

WAZO KUBWA NA MAMBO YA KUFANYA MU KILA SEHEMU
	MASOMO	WAZO KUBWA	KILE MWANAFUNZI ATAFANYA
1	01-12	Namna Biblia inaweza kukusaidia na namna unaweza kufikia kujua mwenye aliiandikishaka	Utie mwanafunzi moyo akuwe nasoma Biblia, akuwe najitayarisha kwa ajli ya funzo, na aanze kukusanyika
2	13-33	Mambo yenye Mungu alishatufanyia na ibada yenye inamufurahisha	Utie mwanafunzi moyo akuwe naambia wengine mambo yenye iko najifunza na umutie moyo akuwe muhubiri
3	34-47	Mambo yenye Mungu anapenda watumishi wake wafanye	Utie mwanafunzi moyo ajitoe kwa Yehova na abatizwe
4	48-60	Mambo yenye unaweza kufanya juu uendelee kuwa rafiki ya Yehova	Usaidie mwananafunzi ajue kutofautisha mambo ya muzuri na ya mubaya, na umusaidie afanye maendeleo