HABARI FULANI ZA ULIMWENGU

Ulimwengu

Kulingana na Shirika la Afya Ulimwenguni, jeuri juu ya wanawake imekuwa “tatizo kubwa kwa afya yao na jeuri hiyo imeenea sana katika dunia yote.” Shirika hilo linasema pia kwamba “karibu 35 juu ya 100 ya wanawake wanapigwa na mabwana wao wa sasa ao wa zamani ao na wanaume wengine. Kupigwa na mabwana ndiyo imeenea sana . . . , wanawake 30 juu ya 100 katika dunia yote wanapigwa na mabwana wao.”

Uingereza

Uchunguzi uliofanywa kwa watu 64303, 79 juu ya 100 walifikiri kwamba “dini inaleta taabu na magombano mengi katika dunia leo.” Pia, uchunguzi uliofanywa katika mwaka wa 2011 katika inchi ya Uingereza na Pays de Galles ulionyesha kwamba 59 juu ya 100 tu ndio wanajiita kuwa Wakristo, hesabu hiyo ni ya chini kwa kuilinganisha na ile ya mwaka wa 2001 ambayo 72 juu ya 100 ndio walijiita kuwa wakristo. Katika kipindi hicho, hesabu ya watu ambao walisema kwamba hawana dini ilipanda kutoka 15 mupaka 25.

China

Kulingana na ripoti ya vyombo vya habari, sheria iliyorekebishwa hivi karibuni inawaomba watu wawatembelee wazazi wao wenye kuzeeka mara nyingi na pia washugulikie ‘mahitaji yao ya moyoni.’ Sheria hiyo “haitoe malipizi yoyote” kwa ajili ya wale ambao hawaifuate.

Ulaya

Vikundi vya wagange vimeanza kuiga namna vitu kama vile, mafuta ya kupakaa, sabuni, vinatengenezwa, na hata chakula. Musimamizi wa shirika fulani linalochunguza hali ya chakula anasema hivi: “Inawezekana kuiga namna kila kitu kinatengenezwa, hata kitu cha bei ya chini sana.” Mutaalamu mumoja anafikiri kwamba vyakula 10 juu ya 100 ambavyo watu wanauza katika inchi vimechanganywa na vitu vingine.