3. Juu Ya Nini Watu Wazuri Wanateseka?
Juu ya Nini Ni Muzuri Kujiuliza Vile?
Juu wakati watu wazuri wanateseka, ile inaonekana kuwa ni ukosefu wa haki. Watu fulani wanaona kama haiko lazima kuwa mutu muzuri ikiwa utateseka tu.
Jambo la Kufikiria
Watu fulani wanaamini kama wanadamu wanakufa na kuzaliwa tena na tena. Wanasema kama watu wenye walifanya mambo ya muzuri wanazaliwa tena katika maisha ya muzuri, lakini wenye walifanya mambo ya mubaya wanazaliwa tena katika maisha ya mateso. Kulingana na ile imani, hata mutu muzuri anaweza kuteseka ikiwa alifanyaka mambo ya mubaya katika “maisha yake ya zamani.” Sasa . . .
Ile mateso iko na kusudi gani, wakati mutu mwenye inawaziwa kama alizaliwa tena hawezi hata kukumbuka maisha yake ya zamani?
Sababu gani tunatumika sana ili kuendelea kuwa na afya ya muzuri na tunaepuka kufanya aksidenti ikiwa maisha yetu ilishaka kupangwa kulingana na mambo yenye tulifanya zamani?
IKIWA UNAPENDA KUJUA MINGI ZAIDI
Angalia video Sababu Gani Mungu Anaacha Mateso? yenye kuwa ku jw.org.
Mambo Yenye Biblia Inasema
Mateso haiko malipizi kutoka kwa Mungu.
Tofauti na ile, mateso mingi inatokea bila kutazamiwa—mara mingi, ni kwa sababu ya kuwa fasi ya mubaya kwa wakati wa mubaya.
“Haiko wenye mbio ndio wanashinda kila mara katika mbio, wala haiko wenye nguvu ndio wanashinda katika vita, wala haiko wenye hekima ndio wanapata kila mara chakula, wala haiko wenye akili ndio wanakuwa kila mara na utajiri, wala haiko wenye ujuzi ndio wanafanikiwa kila mara, kwa sababu wakati na matukio yenye hayatazamiwe yanafikia wote.”—MUHUBIRI 9:11.
Hali yetu ya zambi ni kati ya mambo yenye inafanya tuteseke.
Mara mingi watu wanatumia neno “zambi” ili kumaanisha jambo la mubaya lenye mutu anafanya. Lakini, Biblia inatumia pia neno hilo ili kuzungumuzia hali yenye wanadamu wote, wabaya na wazuri, waliriti.
“Nilizaliwa nikiwa na hatia ya kosa, na nilikuwa na zambi tangu wakati mama yangu alichukua mimba yangu.”—ZABURI 51:5, Maelezo ya chini.
Zambi imekuwa na matokeo ya mubaya sana kwa wanadamu.
Haikuharibu tu uhusiano wetu pamoja na Muumbaji wetu, lakini pia imefanya tusikuwe katika upatano na viumbe vingine vya Mungu. Na ile imeletea wanadamu, wakiwa mutu mumoja-mumoja na hata wote kwa ujumla, mateso makubwa.
“Wakati ninataka kufanya mambo yenye kuwa sawa, mambo ya mubaya yako pamoja na mimi.”—WAROMA 7:21.
“Uumbaji wote unaendelea kulia kwa maumivu pamoja na kuwa katika uchungu pamoja.”—WAROMA 8:22.