Ufanye Urafiki na Watu Wenye Kuwa Tofauti na Wewe

Tatizo

Kama tunaepuka watu wenye hatufurahie, ile inaweza kufanya tukuwe na ubaguzi zaidi. Na kama tunafanya tu urafiki na watu wenye kuwa kama sisi, tunaweza kuanza kuwaza kama namna yetu ya kufikiri, namna tunajisikia, na namna tunatenda njo tu ya muzuri.

Kanuni ya Biblia

“Mufungue mioyo yenu wazi.” —2 WAKORINTO 6:13.

Ile inamaanisha nini? Wakati Biblia inatumia neno “moyo” inazungumuzia hisia na upendo wetu. Ikiwa tunapenda tu watu wenye kuwa kama sisi, tunafanya moyo wetu usikuwe wazi. Ili tuepuke ile tatizo, tunapaswa kuwa tayari kufanya urafiki na watu wenye kuwa tofauti na sisi.

Faida ya Kufanya Urafiki na Watu Wenye Kuwa Tofauti na Sisi

Wakati tunajua watu wengine kipekee, tunafikia kuelewa ni juu ya nini wanafanya mambo kwa njia tofauti. Na wakati tunafanya nao urafiki, tunaanza kuwaona kama hawako tofauti na sisi. Tunafikia kuwaona kuwa wa maana sana, na tunaanza kujitia pa nafasi yao.

Tufikirie mufano wa Nazaré. Zamani, alikuwa anabagua watu wenye walitoka mu inchi zingine. Alifasiria jambo lenye lilimusaidia kuacha ubaguzi. Anasema hivi: “Nilipitisha wakati pamoja nao na kutumika pamoja nao. Nilikutana na watu wenye walikuwa tofauti kabisa na vile wengine walikuwa wanawasema. Wakati tu unafanya urafiki na mutu wa desturi ingine, ile inakusaidia usimubague. Na tena, unafikia kumupenda na kumuona kuwa wa maana.”

Mambo Yenye Unaweza Kufanya

Tafuta nafasi ya kuzungumuza na watu wa inchi ingine, kabila, ao wa luga ingine. Unaweza

Kuwaomba wakuambie mambo fulani kuwahusu.
Kuwaalika ku chakula.
Kuwasikiliza kwa uangalifu wakati wanakuelezea maisha yao, na utafute kujua mambo yenye wanaona kuwa ya maana.

Ikiwa unajikaza kuelewa mambo yenye watu fulani walikutana nayo, utajua ni juu ya nini wako na sifa fulani. Na ile itakusaidia uwapende na kupenda kikundi chao.

Mufano wa Kweli: Kandasamy na Sookammah (wa Inchi ya Kanada)

“Tulikomalia mu Afrika ya Kusini wakati wa ubaguzi wa rangi ya ngozi. Walilazimisha watu wa rangi tofauti ya ngozi wasiishi pamoja, na ile ikachochea ubaguzi kati ya watu rangi tofauti ya ngozi. Hatukukuwa wazungu, na tulichukia sana wazungu juu wa moja kati yao walitutendea kama watu wa hali ya chini. Ile wakati tuliwaza kama ile haiko ubaguzi. Lakini tuliona kama sisi njo walibagua.

“Juu tubadilishe mawazo yetu, tulikamata hatua ya kufungua mioyo yetu wazi na tukakuwa na marafiki wa desturi mbalimbali. Wakati tulianza kupitisha wakati na wazungu, tulielewa kama tuko na mambo mingi yenye kufanana. Sisi wote tunapatwa na mambo ileile na tunapatwa na magumu ileile.

“Tulikamata hata mupango wa kukaribisha mu nyumba yetu bibi na bwana wazungu, na waliishi mu nyumba yetu siku mingi. Tulifikia kuwajua muzuri. Bila kukawia tukakuwa marafiki na tukaanza kuona kama sisi wote tuko sawasawa. Ile ilitusaidia tukuwe na mawazo yenye kufaa kuhusu wazungu.”