Onyesha Upendo

Tatizo

Ubaguzi hauishake mbio. Inaomba wakati na kujikaza ili kumaliza virusi, vilevile inaomba wakati na kujikaza ili kuachana na ubaguzi. Unaweza kufanya nini ili kuachana na ubaguzi wenye uko nao?

Kanuni ya Biblia

Picha: 1. Mwanaume wa Asia anafungulia mulango mwanaume mweusi mwenye kuwa na vikombe vya kahawa. 2. Ule mwanaume mweusi anapatia wafanyakazi wenzake kahawa, kutia ndani ule mwanamuke Muhindi mwenye tulishazungumuzia.

“Muvae upendo, kwa maana upendo ni kifungo kikamilifu cha umoja.”—WAKOLOSAI 3:14.

Ile inamaanisha nini? Kutendea wengine mambo ya muzuri kunatusaidia tukuwe na umoja. Kadiri unaonyesha wengine upendo, ni vile unaachana na ubaguzi. Kadiri unapenda zaidi watu, ni vile unaachana na mawazo ya mubaya juu yao.

Mambo Yenye Unaweza Kufanya

Picha: 1. Mwanamuke Muzungu anasaidiwa kupanda ngazi ya nyumba na wanamubebea pia chakula. 2. Na Ule mwanamuke Muzungu anapatia jirani yake chakula, mwenye ni mwanaume wa Asia mwenye tulishazungumuzia.

Kama pengine ulikuwa na mawazo yenye haifae juu ya kikundi fulani cha watu, ufikirie njia zenye unaweza kutumia ili kuwaonyesha upendo. Haiko lazima uwafanyie mambo mingi. Kati ya mambo yenye kufuata ujikaze kufanya moja ao zaidi:

Tendo kidogo la upendo linaweza kukusaidia kuachana na ubaguzi

Kama mutu wa kile kikundi iko anatafuta adresi fulani, umusaidie kuipata ao unaweza kuachia mutu wa kile kikundi fasi yako wakati uko mu motokari.
Ujikaze kuanzisha nao mazungumuzo hata kama hawajue luga yako muzuri.
Ukuwe muvumilivu wakati wanafanya mambo yenye hauelewe.
Ujitie pa nafasi yao wakati wanakuelezea magumu yao.