Somo 14

Marafiki Wa Mungu Huepuka Mabaya

Shetani huwashawishi watu wafanye mambo mabaya. Mtu anayetaka kuwa rafiki ya Mungu lazima achukie mambo ambayo Yehova huchukia. (Zaburi 97:10) Hapa pana mambo kadhaa ambayo marafiki wa Mungu huyaepuka:

Dhambi zinazohusu ngono. “Usizini.” (Kutoka 20:14) Ni kosa pia kufanya ngono kabla ya ndoa.​—⁠1 Wakorintho 6:⁠18.

Ulevi. “Walevi . . . hawatarithi ufalme wa Mungu.”​—⁠1 Wakorintho 6:⁠10.

Uuaji, Utoaji-Mimba. “Usiue.”​—⁠Kutoka 20:⁠13.

Wizi. “Usiibe.”​—⁠Kutoka 20:⁠15.

Kusema Uwongo. Yehova huchukia “ulimi wa uongo.”​—⁠Mithali 6:⁠17.

Jeuri na Hasira Isiyozuiwa. Yehova humchukia “mwenye kupenda udhalimu [“jeuri,” NW].” (Zaburi 11:⁠5) “Kazi za mwili [hutia ndani] . . . hasira za ghafula.”​—⁠Wagalatia 5:​19, 20.

Kucheza Kamari. “Mkome kuchangamana katika ushirika pamoja na yeyote . . . ambaye ni . . . mtu mwenye pupa.”​—⁠1 Wakorintho 5:⁠11.

Chuki za Kijamii na za Kikabila. “Endeleeni kupenda maadui wenu na kusali kwa ajili ya wale wanaowanyanyasa nyinyi.”​—⁠Mathayo 5:​43, 44.

Mambo ambayo Mungu anatuambia hutunufaisha. Si vyepesi sikuzote kuepuka kufanya mambo mabaya. Yehova na Mashahidi wake wanaweza kukusaidia kuepuka kufanya mambo yanayomchukiza Mungu.​—⁠Isaya 48:17; Wafilipi 4:13; Waebrania 10:​24, 25.