Yehova Alitia Eliya Moyo

Wakati Yezebeli alisikia jambo lenye lilipata manabii wa Baali, alikasirika sana. Akatuma mutu aambie Eliya hivi: ‘Kesho, na wewe utakufa sawa vile wale manabii wa Baali.’ Eliya akaogopa sana na akakimbilia mu jangwa. Akasali: ‘Yehova, siwezi kuvumilia tena. Acha tu nikufe.’ Eliya akalala usingizi chini ya muti juu alikuwa amechoka.

Malaika akamuamusha na kumuambia hivi kwa upole: ‘Amuka ukule.’ Eliya akaona mukate ya muviringo yenye ilikuwa juu ya majiwe ya moto na mutungi wa maji. Akakula na kunywa kisha akalala tena. Malaika akamuamusha tena na kusema: ‘Kula njo utapata nguvu ya kufanya safari ya murefu.’ Kwa hiyo, Eliya akakula tena. Kisha akatembea siku 40 muchana na usiku, mupaka wakati alifika ku Mulima Horebu. Kule, Eliya akaenda kulala ndani ya pango. Lakini Yehova akazungumuza naye. Akamuambia: ‘Eliya, uko unafanya nini hapa?’ Eliya akamujibia: ‘Waisraeli wamevunja ahadi yenye walifanya kwako. Wamebomoa mazabahu yako na kuua manabii wako. Sasa, na mimi wanatafuta kuniua.’

Yehova akamuambia: ‘Toka mu pango na uangalie.’ Kwanza, upepo mukubwa ukapita kwenye lile pango. Kisha, kukakuwa tetemeko na kisha kukakuwa moto. Ku mwisho, Eliya akasikia sauti ya chini na ya upole. Akakamata koti yake na akajifunika uso. Kisha akasimama inje ya lile pango. Kisha Yehova akamuuliza juu ya nini alikimbia. Eliya akasema: ‘Nimebakia mimi peke yangu.’ Lakini Yehova akamuambia: ‘Hauko wewe peke yako. Kuko watu wengine 7000 mu Israeli wenye wangali wananiabudu. Uende ufanye Elisha akuwe nabii pa nafasi yako.’ Mara moja, Eliya akaenda na kufanya vile Yehova alimuambia. Unawaza Yehova atakusaidia na wewe wakati unafanya jambo lenye anataka ufanye? Ndiyo, atakusaidia. Tuone jambo lingine lenye lillifanyika wakati mvua haikukuwa inanyesha.