SOMO YA 18

Kufundisha Kabisa Wasikilizaji Wako

1 Wakorinto 9:19-23

JAMBO LA KUFANYA: Saidia wasikilizaji wafikiri juu ya habari, juu waone kama wamejifunza kitu fulani cha lazima.

Fikiria mambo yenye wasikilizaji wako wanajuaka. Kuliko tu kurudilia-rudilia mambo yenye walishakasikia, uwasaidie wafikirie ile habari mu njia ingine.

Usikawie-kawie ku mambo yenye wanajua, lakini uende polepole wakati unazungumuzia mawazo ya mupya.
Tafuta habari mu vichapo na uwaze sana. Wakati inawezekana, tumia habari zenye hazijulikane sana ao mambo yenye ilitokea sasa hivi juu ya kuzungumuzia mawazo ya maana. Waza sana juu ya habari yako na uone kama inapatana mambo yenye unapenda kutaja.

Wakati uko unachunguza habari, refusha mawazo kwa kujiuliza maulizo sawa vile ‘nini, juu ya nini, wakati gani, wapi, nani, na namna gani.’ Fanya namna yako ya kufundisha ikuwe yenye kuchangamuka kwa kujibia maulizo fulani kati ya ile maulizo wakati uko unapitisha sehemu yako.
Onyesha namna habari yako inaweza kusaidia. Eleza namna mawazo ya Maandiko inaweza kusaidia wasikilizaji wako mu maisha yao ya kila siku. Zungumuzia hali fulani, mielekeo fulani, na matendo fulani yenye inahusu wasikilizaji wako.