KUFANYA WANAFUNZI
SOMO YA 10
Kujitoa Sana
Kanuni: “Hatukupenda tu kuwapatia ninyi habari njema ya Mungu, lakini pia tulipenda kuwapatia uzima wetu wenyewe, kwa sababu mulikuwa wapendwa sana kwetu.”—1 Te. 2:8.
Mambo Yenye Yesu Alifanya
1. Angalia VIDEO, ao usome Yohana 3:1, 2. Kisha ufikirie maulizo yenye kufuata:
Pengine ni juu ya nini Nikodemo alipenda kumutembelea Yesu usiku?—Ona Yohana 12:42, 43.
Yesu aliitika kukutana na Nikodemo usiku. Namna gani ile inaonyesha kama Yesu alijitoa sana juu ya kufanya wanafunzi?
Mufano wa Yesu Unatufundisha Nini?
2. Wakati tunajitoa sana juu ya kufanya watu kuwa wanafunzi, tunaonyesha kama tunawapenda.
Umuige Yesu
3. Ujifunze na mwanafunzi wako wakati na fasi kwenye anafurahia. Anaweza kupenda mukuwe najifunza siku fulani pa saa fulani. Pengine anaweza kufurahia mukuwe najifunza kwenye anatumikiaka, ku nyumba, ao fasi ingine. Kadiri inawezekana, mukuwe najifunza siku na saa yenye yeye anapenda.
4. Mujifunze kwa ukawaida. Kama hautaweza kujifunza na mwanafunzi wako siku yenye munajifunzaka, ujikaze ile programu isipite tu vile. Kwa mufano, upime kuona kama:
Unaweza kujifunza na ule mwanafunzi siku ingine mu juma.
Unaweza kujifunza naye kupitia telefone ao vidéoconférence.
Unaweza kuambia mutu mwingine ajifunze naye.
5. Sali juu ukuwe na mawazo ya muzuri. Umuombe Yehova akusaidie uendelee kujitoa sana juu usaidie mwanafunzi wako, hata kama iko nashindwa kujifunza kwa ukawaida ao kutumikisha mashauri fulani ya Biblia. (Flp. 2:13) Inawezekana mwanafunzi wako iko na sifa mingi za muzuri. Umuombe Yehova akusaidie uendelee kukaza akili juu ya zile sifa.