MAULIZO JUU YA HABARI ZA BIBLIA YANAJIBIWA

Dunia yetu iliumbwa kwa kusudi fulani?

Kijana mwanaume anaangalia rangi mbalimbali za vitu vinavyotuzunguka — Dunia ilikusudiwa kuwa makao yenye furaha kwa ajili ya wanadamu

Dunia yetu inastahili kabisa kutegemeza uzima. Ina maji mengi, yaliyo ya lazima kwa uzima. Mwinamo, mwendo na muzunguko wa dunia, vyote vinastahili kabisa ili kuzuia bahari zisigande ao kuchemuka. Na angahewa la dunia pamoja na nguvu za sumaku za dunia vinailinda kutokana na mishale inayoweza kuua. Mufumo wa ajabu wa kutegemezana wa mimea na wanyama katika dunia unashangaza sana. Kwa hiyo, watu wengi wamefikia uamuzi wa kwamba sayari yetu dunia iliumbwa kwa kusudi fulani.—Soma Isaya 45:18.

Lakini unaweza kujiuliza, ‘Mateso na ukosefu wa haki ni sehemu ya kusudi hilo?’—Soma Kumbukumbu la Torati 32:4, 5.

Kusudi la kuumba dunia litatimizwa?

Dunia iliumbwa iwe makao yenye furaha ya watu wanaoheshimiana na wanaomupenda Muumbaji wao. Kwa hiyo, uzima wa wanadamu una kusudi kubwa sana kuliko uzima wa mimea ao wa wanyama. Tunaweza kujua Muumbaji wetu ni nani na kufurahia na kuiga haki na upendo wake.—Soma Mhubiri 12:13; Mika 6:8.

Muumbaji wetu anaweza kutimiza mambo yote anayokusudia kufanya. Kwa hiyo, tunaweza kuwa hakika kwamba atamaliza mateso na ukosefu wa haki na kufanya dunia yetu iwe makao makamilifu na yenye furaha kwa ajili ya wanadamu.—Soma Zaburi 37:11, 29; Isaya 55:11.

Ili kupata habari zingine, soma sura ya 3 ya kitabu hiki, kilichochapishwa na Mashahidi wa Yehova

Unaweza kuchukua kitabu hiki kwenye adresi yetu ya Internete www.jw.org

SOMA MAJIBU YA MAULIZO MENGINE JUU YA HABARI ZA BIBLIA KWENYE INTERNETE