Mungu Anakukaribia

SABABU INAYOFANYA WATU FULANI WAWE NA MASHAKA: Watu fulani wanaomuamini Mungu wanajisikia kuwa mbali naye. Christina, mwanamuke wa Irlande anayeenda kwenye kanisa kila juma, anasema hivi: “Nilimuona tu kuwa Mungu aliyeumba kila kitu. Lakini sikumujua. Hakuna hata siku nilijisikia kuwa karibu naye.”

MAMBO NENO LA MUNGU LINAFUNDISHA: Unapojisikia kuwa umepotea, Yehova haache hata kidogo kukusaidia. Yesu alionyesha namna Mungu anatuhangaikia kupitia mufano huu: ‘Mutu akiwa na kondoo 100 na mumoja apotee, je, hatawaacha wale 99 milimani na kuondoka kuenda kumutafuta yule anayepotea?’ Somo ni gani? ‘Vivyo hivyo Baba yangu aliye mbinguni hatamani [ao hapendi] mumoja wa wadogo hawa aangamie.’—Mathayo 18:12-14.

Kila ‘mumoja wa wadogo hawa ’ ni wa maana sana mbele ya Mungu. Namna gani Mungu ‘anatafuta yule anayepotea’? Andiko linalotajwa kwenye mwanzo wa habari hii linaonyesha kwamba Yehova anavuta watu kwake.

Fikiria namna Mungu alichukua hatua ili kuvuta watu wenye mioyo mizuri kwake. Wakati wa mitume, Mungu alimutuma Filipo, mutume Mukristo, akutane na motokari ya kukokotwa na wanyama ya ofisa Muetiopia. Mungu alipenda Filipo amufasirie ofisa huyo maana ya unabii fulani wa Biblia ambao alikuwa anasoma. (Matendo 8:26-39) Kisha hapo, Mungu alimuongoza mutume Petro atembelee kwenye nyumba ya Kornelio mukubwa katika jeshi la Roma, ambaye alikuwa amesali na kujikaza kumuabudu Mungu. (Matendo 10:1-48) Mungu alimuongoza pia mutume Paulo na wenzake kwenye muto fulani inje ya muji wa Filipi. Kwenye muto huo, walikutana na ‘muabudu wa Mungu’ anayeitwa Lidia, na “Yehova akafungua wazi moyo wake asikilize kwa makini [ao kwa uangalifu].”—Matendo 16:9-15.

Katika hali hizo zote, Yehova aliwasaidia wale waliokuwa wanamutafuta wapate nafasi ya kumujua. Leo, ni nani wanatembelea watu nyumbani kwao na mahali pa watu wengi ili kuwaonyesha ujumbe wa Biblia juu ya Mungu? Watu wengi wanaweza kujibia, “Ni Mashahidi wa Yehova.” Ujiulize, ‘Inawezekana Mungu anawatumia ili anikaribie?’ Tunakuomba usali kwa Mungu akusaidie ukubali bidii anayofanya ili umukaribie.a