3 Inasaidia Kuvumilia Matatizo

UGONJWA WENYE KUKAWIA

Rose anasema hivi: “Niko na ugonjwa wa chembe za uriti wenye unaniletea maumivu makali na yenye kuendelea. Afya yangu imekuwa ya mubaya sana.” Jambo lenye lilimuhangaisha zaidi ni kwamba wakati fulani alishindwa kukaza akili yake juu ya funzo lake la Biblia na juu ya mambo ya kiroho. Lakini alipata musaada katika maneno ya Yesu yenye kuwa katika Mathayo 19:26: “Kwa Mungu mambo yote yanawezekana.” Rose alielewa kuwa kuko njia mbalimbali zenye zinaweza kusaidia mutu kujifunza. Kwa sababu ya maumivu yake, wakati fulani ilikuwa nguvu sana kwake kusoma. Kwa hiyo, alianza kufuata usomaji wa kusikiliza tu wa Biblia na wa vichapo vyenye kutegemea Biblia.a Anasema hivi: “Bila kufanya hivyo, sijue namna gani ningeweza kufanya urafiki wangu pamoja na Yehova uendelee kuwa muzuri.”

Wakati Rose anahuzunika kwa sababu anashindwa kufanya jambo fulani lenye angeweza kufanya zamani, anapata kitulizo katika maneno yenye kuwa katika 2 Wakorintho 8:12: ‘Ikiwa utayari upo kwanza, unakubalika zaidi kulingana na kile ambacho mutu iko nacho, si kulingana na kile ambacho mutu hana.’ Maneno hayo yanamukumbusha Rose kuwa Mungu anapendezwa na mambo yenye anafanya, kwa sababu anafanya mambo yote kulingana na uwezo wake.

HUZUNI

Delphine, mwenye tulizungumuzia mwanzoni, anakumbuka hivi: “Kisha mutoto wangu mwanamuke wa miaka 18 kufa, nilikuwa na huzuni kubwa sana hivi kwamba sikukuwa ninaamini kama ninaweza kuendelea kuishi. Hakuna kile chenye kingeweza kunituliza.” Lakini, alipata kitulizo kikubwa katika maneno ya Zaburi 94:19. Katika andiko hilo, mwandikaji mumoja wa zaburi aliambia Mungu hivi: ‘Fikira zangu zinazofazaisha zilipokuwa nyingi ndani yangu, faraja zako mwenyewe zilianza kuikumbatia nafsi yangu.’ Delphine anasema, “Nilisali kwa Yehova ili anisaidie kupata mambo ya kufanya yenye yangenisaidia kutuliza maumivu yangu.”

Alianza kufanya kazi ya kujitolea. Mwishowe, akaanza kujilinganisha na crayon yenye mutoto anachoraka nayo, yenye inaendelea kutumiwa ili kuchora hata kama ni yenye kuvunjika. Vilevile, hata kama alijisikia kuwa mwenye kuvunjika, alielewa kwamba alikuwa angali na uwezo wa kusaidia wengine. Anakumbuka hivi: “Kwa kushtukia, nilitambua kuwa wakati nilitumia kanuni za Biblia na mawazo ya Maandiko ili kutuliza watu wenye nilikuwa ninajifunza nao Biblia, hiyo ilikuwa njia yenye Yehova alikuwa anatumia ili kunituliza na kunitia nguvu.” Alifanya liste ya watu mbalimbali wenye kuzungumuziwa katika Biblia wenye walipatwa na huzuni nyingi. Alitambua kuwa, “Wote walikuwa watu wenye walikuwa wanasali kwa ukawaida.” Alijifunza pia kuwa mutu “hawezi kupata nguvu za kuvumilia ikiwa hasomake Biblia.”

Kujifunza Biblia kumefundisha Delphine jambo lingine: kukaza akili juu ya mambo ya wakati wenye kuja, hapana juu ya mambo yenye yamekwisha kupita. Tumaini lenye kuzungumuziwa katika Matendo 24:15 linamutuliza: “Kutakuwa na ufufuo wa waadilifu na wasio waadilifu pia.” Namna gani anaonyesha kuwa iko hakika kwamba Yehova atamufufua mutoto wake? Tuache Delphine mwenyewe atoe jibu. Anasema hivi: “Ninamuona mutoto wangu mwanamuke wakati wenye kuja. Yehova amekwisha kupanga ‘siku’ nitamuona tena mutoto wangu. Ninajiona kabisa mimi pamoja naye katika bustani yetu kama vile tu nilimuona na kumupenda siku yenye alizaliwa.”