Je, mlango uongozao kwenye upainia umefunguka sasa kwa ajili yako?

Mradi: mapainia wa kawaida 10,000!

¹ Andiko letu la mwaka 1999 linatukumbusha kwamba bado sisi tuko katika “siku ya wokovu” ya Yehova. (2 Kor. 6:2) Lakini karibuni siku hiyo ya wokovu itakwisha. Ndipo “siku ya hukumu” yake itaanza. (2 Pet. 2:9) Yehova anapoendelea kutolea wanadamu nafasi ya kupata wokovu, ni jambo lenye kusisimua kama nini kuona maelfu yenye kuongezeka siku baada ya siku wakiitikia!

² Watu wa Yehova wamejitahidi kushinda tatizo ya kufikia wale wenye kuitikia kabla haijakuwa kuchelewa mno. Kwa wahubiri wengi wa Ufalme, jambo hilo limemaanisha kuingia katika utumishi wa painia. Je, mlango uongozao kwenye upainia umefunguka sasa kwa ajili yako? Kwa nini tunauliza?

³ Uthamini ulioonyeshwa: Kama ilivyotangazwa katika Huduma Yetu ya Ufalme ya Januari 1999, kiwango cha saa za mapainia wa kawaida na wasaidizi kimepunguzwa. Ili kutimiza kiwango kipya, mapainia wa kawaida wanahitaji kutoa saa 70 katika huduma kila mwezi kusudi wafikie jumla ya saa 840 kwa mwaka wa utumishi. Mapainia wasaidizi watapitisha saa 50 katika utumishi kila mwezi. Zifuatazo ni chache kati ya zile wonyesho nyingi za uthamini zilizopokewa kuwa tokeo la marekebisho hayo:

“Ni zawadi yenye kubarikiwa kama nini kutoka kwa Baba yetu wa mbinguni!”

“Hakuna maneno yanayoweza kueleza zile hisia za furaha, upendo, na shukrani kwa uandalizi huo!”

“Hilo litafanya programu zetu kuwa rahisi zaidi sana kutimiza!”

“Sala yetu ni kwamba wengine wengi waanze sasa huduma ya wakati wote na kufurahia baraka zinazotokana na kumtumikia Yehova kwa njia kubwa.”

⁴ Kwa kuwa tunakaribia upeo wa siku ya Mungu ya wokovu, ni wazi kwamba Yehova anataka watu wake watoe sauti ya mwisho na yenye nguvu ya sifa. Ukubwa na nguvu ya ujumbe huo unazidishwa na (1) ukuzi wenye kuendelea katika hesabu ya wahubiri wa Ufalme na (2) kutafuta kwa kila mmoja kuzidisha kile anachoweza kufanya katika kule kuhubiri Ufalme. Yehova, yule “akuzaye,” ameleta mafanikio katika zile njia zote mbili kwa kubariki ile roho tayari ya wale wote ambao wamekubali wokovu.—1 Kor. 3:6, 7; Zab. 110:3.

⁵ Msikose kusudi layo: Kuhusu siku ya Yehova ya wokovu, Paulo alishauri Wakristo wenzake: “Tukiwa tunafanya kazi pamoja naye [Yehova], twawasihi sana nyinyi pia msiipokee fadhili isiyostahiliwa ya Mungu na kukosa kusudi layo.” ‘Hatutakosa kusudi layo’ ikiwa tunaona huu kuwa “wakati wenye kukubalika hasa” ili kutumika kwa ajili ya wokovu wa wengine kila wakati nafasi inapopatikana. (2 Kor. 6:1, 2) Leo, maneno ya Paulo ni yenye kuchochea zaidi. Wakristo wanaoonyesha upendo wenye kutoka moyoni kuelekea Yehova huona kuwa pendeleo kushiriki kikamili zaidi iwezekanavyo katika huduma ambayo yeye amewagawia. Je, unaweza sasa kushiriki kikamili zaidi katika huduma ukiwa painia?

⁶ Ni mradi wenye usawaziko wa akili: Katika Jamhuri ya Kidemokrasi ya Congo, tunao mradi wa kuona mapainia wa kawaida 10,000 wakijiandikisha hadi Septemba 1. Ingawa hali ya vita katika Congo-Brazzaville, tunataka kuona 400 wakijiandikisha hadi tarehe hiyohiyo. Tunaamini kwamba huo ni mradi wenye usawaziko wa akili na unaoweza kufikiwa. Kwa nini tuna uhakika kama huo? Mnamo mwaka wa utumishi uliopita, kulikuwako wastani wa mapainia wa kawaida 8,722 na mapainia wasaidizi 4,089 waliotoa ripoti katika Congo-Kinshasa, na wastani wa mapainia wa kawaida 322 na mapainia wasaidizi 164 waliotoa ripoti katika Congo-Brazzaville. Mapainia wasaidizi walifikia wastani wa saa 63.8—kukosa tu saa 6.2 ili kufikia kiwango kipya cha mapainia wa kawaida! Kati ya wale waliokuwa mapainia wasaidizi mnamo mwaka wa utumishi uliopita, ikiwa tu 1,300 katika Congo-Kinshasa na 80 katika Congo-Brazzaville wanajiandikisha kuwa mapainia wa kawaida kabla ya mwisho wa mwaka huu wa utumishi, tungeweza kuanza Septemba tukiwa na zaidi ya mapainia wa wakati wote 10,000 katika Congo-Kinshasa na 400 katika Congo-Brazzaville!

⁷ Programu inahitajiwa: Je, bado wazo la saa 70 kwa mwezi laonekana kwako kwa njia fulani kuwa lisiloweza kufikiwa? Labda kufikiri kuhusu saa 17 kwa juma kungeweza kusaidia. Huku ukitumia programu za kielelezo zilizo kwenye ukurasa wenye kufuata, jaribu kuunda programu ya painia wa kawaida itakayopatana na hali zako binafsi. Katika kufikiri juu ya hiyo, zungumza na mapainia wenye uzoefu ili kupata wazo juu ya jinsi wanavyofanya kuwe usawaziko kati ya utumishi wa painia na madaraka ya binafsi na ya kifamilia. Uliza mwangalizi wenu wa mzunguko jinsi mapainia katika mzunguko wanavyopanga utendaji wao wa utumishi kila juma. Kisha, mwendee Yehova ili abariki mipango yako ya kupainia.—Mez. 16:3.

⁸ Fanya huo uwe mradi wa familia: Je, umefikiria kufanya upainia kuwa mradi wa familia? Mnaweza kukaa mkiwa familia na kuzungumzia jinsi—kwa kupanga mambo kwa makini na kwa ushirikiano mzuri—mshiriki mmoja au wawili wa familia wanavyoweza kupainia. Inaeleweka kwamba wengine wataona kwamba kufikiria kwa unyofu hali zao hakuwaruhusu kuwa mapainia wa kawaida sasa hivi. Ikiwa ni hivyo, fanyeni upainia uwe mradi wa wakati ujao. Lakini anzeni kufanya mipango ya kutumika kwa kuweka tayari tarehe ya kuanza kupainia. Labda mnaweza kuwa mapainia wasaidizi mara nyingi katika mwaka ili kufikia hatua kwa hatua mradi wa utumishi wa painia wa kawaida.

⁹ Wale mapainia wa kawaida zaidi ya 8,700 katika Congo-Kinshasa na wale 320 katika Congo-Brazzaville ni wenye hali tofauti-tofauti. Wote hawana afya bora, na wengi ni wenye kuteswa na hali ngumu sana ya kiuchumi na ya vita. Ingawa hayo, wanaendelea kuvumilia na kumtumaini Yehova. Mume mmoja na mke wenye kuoana ambao hutumikia katika mji wenye vita wa Brazzaville waliandika maneno yafuatayo: “Je, tunasikitika juu ya mambo tuliyojinyima kwa ajili ya kumtumikia Yehova? Hata kidogo! Badala ya kuangalia nyuma na kukumbuka mambo ya kimwili ambayo tumepoteza, tunatambua kwamba yale yote ambayo tuliweza kujinyima si kitu kwa kulinganisha na baraka tunayofurahia leo na zile tunazozingojea wakati ujao. Kazi-maisha ya mke wangu na mimi ni kubaki katika utumishi wa wakati wote.”—Luka 9:62; Flp. 3:8

¹⁰ Je, unahitaji kurahisisha mambo? Kurahisisha maisha yako kunaweza kuwa ufunguo utakaokufungulia mlango uongozao kwenye upainia. Je, maisha yako ni kama nyumba kubwa yenye vyumba na vitu visivyohitajiwa, vikiomba wakati mwingi, fedha, na kazi ili kuvitunza? Ikiwa ni hivyo, kujipatanisha na hali zenye kiasi zaidi kunaweza kukuruhusu upainie. Je, unaweza kupunguza kiasi cha wakati unaopitisha katika kazi ya kimwili? Je, unaweza kununua wakati kutoka utendaji usio wa lazima au kuonyesha usawaziko mkubwa zaidi katika kiasi cha wakati unaopitisha kwa kujiburudisha?

¹¹ Kwenye 1 Timotheo 6:8, Biblia inatushauri: “Tukiwa na riziki na cha kujifunika, tutakuwa wenye kuridhika na vitu hivi.” Kuridhika na vitu vidogo ni jambo la maana katika kufanya yote tuwezayo katika utumishi wa Yehova na huko kunafanya iwe rahisi zaidi kuweka faida za Ufalme pa nafasi ya kwanza. (Mt. 6:22, 33) Kwenye ukurasa 104 wa Kitabu-Mwaka 1998, katika ripoti ya Japani, maelezo mengi yanatolewa kuhusu sababu zinazofanya kuweko roho nzuri ya upainia kama hiyo katika bara hilo. Fikiria moja: ‘Ni kweli kwamba kwa kawaida nyumba za Wajapani ni zenye kiasi sana, hivyo zikiomba wakati kidogo kwa ajili ya kuzitunza, na kwa sehemu kubwa, maisha ni yenye kufanywa kuwa rahisi kulingana na mapokeo ya kibabu.’ Hiyo ndiyo maana ya msingi ya 1 Timotheo 6:8, sivyo?

¹² Kuzunguka dunia yote, watumishi wa Mungu ni wenye kuhubiri habari njema kwa nguvu yenye kuongezeka siku baada ya sikuu kabla ya siku ya Yehova ya wokovu kwisha. Kwa njia yenye kusifika, mwaka uliopita karibu 700,000 walishiriki katika aina fulani ya utumishi wa painia kila mwezi. Je, unaweza kurekebisha maisha yako ili kujiunga nao? Tunakualika kuchunguza hali zako kwa makini na kwa njia ya sala huku ukijibu ulizo: Je, mlango uongozao kwenye upainia umefunguka sasa kwa ajili yako?

Programu za kielelezo za painia wa kawaida—saa zinazohitajiwa kwa juma: 17

Siku moja ya juma na mwisho-juma

Siku Saa

Siku ya Tano 8

Siku ya Posho 6

Siku ya Yenga 3

Jumla ya Saa: 17

Siku mbili za juma na siku ya posho

Siku Saa

Siku ya Pili 7

Siku ya Nne 7

Siku ya Posho 3

Jumla ya Saa: 17

Siku tatu za juma na siku ya yenga

Siku Saa

Siku ya Kwanza 5

Siku ya Tatu 5

Siku ya Tano 5

Siku ya Yenga 2

Jumla ya Saa: 17

Jioni mbili na mwisho-juma

Siku Saa

Siku ya Kwanza 3

Siku ya Tatu 3

Siku ya Posho 8

Siku ya Yenga 3

Jumla ya Saa: 17

Unda programu ya painia wa kawaida yako mwenyewe

Siku Saa

Siku ya Kwanza

Siku ya Pili

Siku ya Tatu

Siku ya Nne

Siku ya Tano

Siku ya Posho

Siku ya Yenga

Jumla ya Saa: 17