Iweni Macho ili Kupata Viziwi Katika Eneo Lenu

¹ Yehova ni mwenye kutoa mwaliko huu: “ ‘Njoo!’ . . . Acha yeyote atakaye achukue maji ya uhai bure.” (Ufu. 22:17) Hesabu yenye kuongezeka ya viziwi wanapatikana kati ya wale wanaoitikia mwito huo. Kama tokeo, mnamo miaka 13 iliyopita, makutaniko 27 ya lugha ya ishara na karibu vikundi 50 vya lugha ya ishara viliundwa katika tawi la Shirikisho la Amerika.

² Ingawa makutaniko na vikundi vya lugha ya ishara hukaza jitihada zao za kuhubiri juu ya kukutana na viziwi na watu wenye matatizo ya kusikia katika maeneo yao mbalimbali, kuna watu wengi wa namna hiyo ambao bado wanapaswa kupatikana na kutolewa ushahidi katika nchi hii.

³ Mnaweza Kusaidiaje? Wakati mlipokuwa mahali pa watu wote, je, mliona watu wenye kutumia lugha ya ishara? Je, mnajua mtu fulani mahali penu pa kazi au shuleni aliye na mshiriki wa familia aliye kiziwi? Iweni macho ili kupata viziwi wakati mnapofanya shughuli zenu za kila siku. Lakini, mnaweza kuhakikishaje kwamba watapata ushahidi kuhusu Ufalme?

⁴ Kutoa Ushahidi: Julisheni kutaniko au kikundi cha karibu zaidi chenye kutumia lugha ya ishara kuhusu mahali anapopatikana kiziwi. Viziwi wengi hufanya maendeleo ya haraka zaidi wakati wanapoweza kushirikiana na Mashahidi walio viziwi kwenye mikutano ya kutaniko inayoongozwa katika Lugha ya Ishara ya Kiamerika. Kwa hiyo, ikiwa kuna kutaniko au kikundi cha lugha ya ishara mahali penu, mwandishi wa kutaniko lenu anapaswa kutuma kwa kutaniko hilo au kikundi hicho habari kuhusu viziwi wote katika eneo lenu.

⁵ Namna gani ikiwa hakuna mtu karibu-karibu ili kutoa msaada wa kiroho kwa viziwi katika ujirani wenu? Mnaweza kusaidiaje? Kwa nini msifanye ziara ya kurudia na kuzungumza na washiriki wowote wa familia wenye kusikia? Pendekezeni kuonyesha vidio ya lugha ya ishara ili kuamsha kupendezwa kwa kiziwi. Wahubiri fulani hata wamejifunza Lugha ya Ishara ya Kiamerika ili kufikia viziwi kwa matokeo zaidi. (Mdo. 16:9, 10) Broshua Anataka na kitabu Ujuzi vinapatikana kwenye vidio katika Lugha ya Ishara ya Kiamerika. Kuongoza mafunzo ya Biblia kwa kutumia vifaa hivyo kumekwisha kutoa matokeo mengi yenye kufaa.

⁶ Kwa kuwa macho ili kupata viziwi katika eneo lenu, mnaweza kuwapa nafasi ya kutwaa maji ya uhai bure.—Mt. 10:11.