Video Inayostahili Kufikiriwa Sana
“Kwa kweli video hiyo inakuchochea kufikiri!”
“Mambo yenye kuzungumziwa katika video hiyo yaligusa moyo wangu kabisa kabisa!”
“Niliguswa moyo sana!”
1 Je, ni hivyo ulivyojisikia ulipotazama kwa mara ya kwanza video Les jeunes s’interrogent... Comment se faire de vrais amis ? Miaka fulani iliyopita, ndugu mmoja kijana alipata magumu katika maisha yake kwa sababu ya marafiki aliowachagua. Marafiki hao walimfanya asipendezwe tena na kweli, na kisha akapoteza urafiki wake pamoja na Yehova. Ndipo video Les jeunes s’interrogent ikatokea. Aliandika: “Nilipokuwa nikitazama mara kwa mara video hiyo, machozi yalinitiririka. Nilimshukuru Yehova kwa msaada huo uliopatikana kwa wakati wenye kufaa.” Video hiyo ilimchochea kubadili maisha yake na kutafuta marafiki wazuri. Aliongeza hivi: “Ni wazi kwamba waliofanya video hiyo wanajua kabisa mambo yanayowapata vijana katika siku zetu.” Wazazi na vijana, kwa nini msitazame video hiyo tena katika funzo lenu la familia lijalo? Munapoitazama, muisimamishe baada ya kutazama kila sehemu, na kila mtu aseme bila kuficha mawazo yake yenye kutoka moyoni mnapozungumzia maulizo haya:
2 Utangulizi: Ni nani aliye rafiki wa kweli?—Met. 18:24.
3 Mambo Yanayoweza Kufanya Tusipate Rafiki: Unawezaje kushinda tatizo la kujisikia kuwa pekee yako? (Flp. 2:4) Kwa nini unapaswa kuwa tayari kufanya utu wako uwe bora, na ni nani anayeweza kukusaidia kufanya hivyo? Ni nini kitakachokufungulia njia ili upate marafiki wengi, na unaweza kuwapata wapi?—2 Kor. 6:13.
4 Kuwa Rafiki ya Mungu: Namna gani unaweza kuwa rafiki ya Yehova, na kwa nini unajikaza kuwa rafiki yake? (Zab. 34:8) Ni nani anayeweza kufanya urafiki wako na Mungu uwe nguvu kabisa?
5 Marafiki Wabaya: Ni nani walio marafiki wabaya? (1 Kor. 15:33) Namna gani marafiki wabaya wanaweza kuharibu urafiki wako na Mungu? Habari ya Biblia kuhusu Dina, inakufundisha nini?—Mwa. 34:1, 2, 7, 19.
6 Drama ya Kisiku Hizi: Kujisikia kuwa pekee yake kulikuwa na matokeo gani juu ya dada kijana Tara? Ni sababu gani alizotoa ili kujitetea kuhusu urafiki wake na vijana wa ulimwengu? Marafiki hao walimutia katika hatari gani? Kwa nini wazazi wake hawakuona hatari hiyo, lakini walimsaidiaje arudilie urafiki wake na Mungu? Namna gani dada mmoja painia alionyesha kwamba alikuwa rafiki wa kweli wa Tara? Kwa nini Wakristo wanapaswa kusikiliza onyo linalopatikana katika Methali 13:20 na Yeremia 17:9? Ni somo gani la maana ambalo Tara alijifunza?
7 Umalizio: Umejifunza nini kutokana na video hiyo? Unawezaje kutumia mafundisho hayo ili kusaidia wengine?—Zab. 71:17.