Adresi Yetu ya Internete Inayokubaliwa Kisheria Inatufaidi Sisi na Wengine

Yesu alituamuru tuhubiri habari njema ya Ufalme “katika dunia yote inayokaliwa ili kuwa ushahidi kwa mataifa yote.” (Mt. 24:14) Ili ‘tutimize kikamili huduma yetu,’ adresi zetu za internete watchtower.org, jw-media.org, na jw.org zimechangwa ili kufanya adresi moja tu, jw.org.​—2 Tim. 4:5.

“Dunia Yote Inayokaliwa”: Leo duniani pote, kati ya watu watatu mutu mumoja anatumia Internete. Internete imekuwa njia ya kwanza ya kuwasaidia watu wengi kupata habari, zaidi sana vijana. Adresi yetu inawatolea wale wanaotumia Internete majibu ya kweli kuhusu maulizo ya Biblia. Inawasaidia kujua tengenezo la Yehova na inafanya iwe rahisi kwao kuomba funzo la Biblia la bila malipo. Inafanya iwezekane habari njema ifike katika maeneo ya dunia ambamo ni vigumu watu wapate nafasi ya kusikiliza ujumbe wa Ufalme.

“Mataifa Yote”: Ili kuwatolea watu wa “mataifa yote” ushahidi, tunapaswa kutolea watu kweli ya Biblia katika luga mbalimbali. Wale wanaofungua jw.org wanaweza kupata kwa urahisi habari katika karibu luga 400, adresi yetu ina nyingi zaidi kupita adresi zingine zote.

Tutumie Vizuri Adresi Hiyo: Kusudi la adresi yetu jw.org si kutolea ushahidi wale wasio Mashahidi tu. Imekusudiwa pia ili Mashahidi wa Yehova waitumie. Ikiwa unaweza kutumia Internete tunakutia moyo utumie adresi yetu, jw.org. Mapendekezo yanayofuata yanaonyesha namna ya kutumia adresi hiyo.

[Muchoro kwenye ukurasa wa 3]

(Ili kuona maelezo hayo, ona kitabu)

Jaribu kutumia jw.org

1 Kwenye ordinatere yako, andika jw.org mahali palipotayarishwa ili kuandika adresi ya Internete ambayo mutu angetaka kufungua.

2 Ona habari mbalimbali zilizo ndani ya adresi hiyo kwa kufungua vichwa vya habari na sehemu zingine zilizo ndani.

3 Jaribu kutumia jw.org katika telefone ao ordinatere ya mukononi iliyo na Internete. Mupangilio wa kurasa unarekebishwa kulingana na chombo unachotumia lakini habari ni ileile.